ZPM Chief Ministerial Candidate, Pu Lalduhoma’n Mizo mipuiin chak zawka hma an sawn theih nan Party mal sawrkar ni lo, mipui sorkar din a ngai tih sawi

0
205
views

|angrual pawl, ZPM Chief Ministerial Candidate, Pu Lalduhoma’n Mizo mipuiin chak zawka hma an sawn theih nan Party mal sawrkar ni lo, mipui sorkar din a ngai tih vawiina ZPM Southern Hqrs. hruaitu hlanna ah a sawi. Pu Lalduhoma chuan ram a retheih a, a tluk chhiat chuan eirukna a hluar rualin mirethei nek sawrna a nasa \hin a, hetiang hi tuna Mizoram awm dan nen a inang hle a ni a ti a, eirukna te, mirethei nek sawrna leh sawipuitu nei ve lote thlawh khum hmasawnna avangin mipuite an rethei mek a, Sakhua pawh a him ta lo niin a sawi. Pu Lalduhoma chuan, sakhuana leh ram rorelna inkarah awl zautak a awm avangin sakhua leh ram rorelna chu a kal hrang tulh tulh niin a sawi a, ram leh hnam a dam leh theih nan kal kawp tir dan ngaihtuah a ngai a ni, a ti.

Bukna dik lo chu Pathian huat ber zing ami a ni tih sawiin Pu Lalduhoma chuan, Mizoramah bukna dik lo a nsa a, Sorkar ber pawhin Weight bright dik a hmang thei lo a ni a ti a, ZPM a sorkar hunah chuan Bukna dik an hmang dawn a, ration Buhfai, chini, Gas, Sa leh thil chi hrang hrang pawh dik tak hralh a ni ang a ti.