PRISM General Secretary, Pu SL. Ngursailova Sailo-in kum 5 chhunga Minister, Pu John Rorluangliana hausakna chu cheng nuai 969.23 in a pung hman nia sawiin, MLA nih hlawkpui ber te zinga mi nia a lan thu a sawi

0
188
views

PRISM General Secretary, Pu SL. Ngursailova Sailo-in kum 5 chhunga Minister, Pu John Rorluangliana hausakna chu cheng nuai 969.23 in a pung hman nia sawiin, MLA nih hlawkpui ber te zinga mi nia a lan thu a sawi. An Party-in phochhuah beihpui an thlak kal zelah vawiin khan thuthar lakhawmtute kawmin, Pu SL. Ngursailova Sailo chuan, kum 2008 inthlan dawna Pu John Rotluiangliana leh a nupui fanaute thil neih hlut zawng chu a vaiin Rs. 109,76,948 leh lirthei 2 a ni tih sawiin, kum 2013 inthlan dawnah chuan an thil neih hlut zawng chu sumfai ringawt pawh Rs. 72,27,000, lirthei Rs. 99,85,000 man hu, thil dang Rs 1,99,000 hu leh in pakhat Rs 4,65,00,000 hu a nei a, ram pawh 10 lai neih belhin avaiin Rs 4,40,00,000 man a ni a, a hausakna hlutna hi Rs. 10,79,11,000 a ni tih sawiin,

Pu John Rotluangliana chu MLA nih hlawkpui berte zinga mi nia a lan thu a sawi a. Kum 5 chhungin a hausakna hi cheng nuai 969.23 in a pung hman a, tunah hian Mamit-ah in a sa a, hei ringawt pawh hi cheng nuai 200 vel a ngaih theih a ni thu leh kum 2013 inthlan dawna cheng 72,27,000 nei siin, engtin nge cheng nuai 200 man lai in hi a sak theih tih an zawt a, a sum lakluh dan dik tak mipui hmaa puang chhuak tura an phut a sawi.