ZPM Chief Ministerial Candidate, Pu Lalduhoma’n State puitlinga Mizoram hlankai a nih hnua Sorkar awm tawh ten kuthnathawktute tan budget-ah sum an la dahsak ngai lo niin a sawi

0
254
views

ZPM Chief Ministerial Candidate, Pu Lalduhoma’n State puitlinga Mizoram hlankai a nih hnua Sorkar awm tawh ten kuthnathawktute tan budget-ah sum an la dahsak ngai lo niin a sawi.

Lungleia ZPM Southern Hqrs. bul tuma Haulawng Hausiampa Hall-a Lunglei North Constitutuency Workers meet leh mithar lawmluhna inkhawm a hmanpuinaah he thu hi sawiin, State puitlinga Mizoram hlankai a nih hnua Sorkar awm tawh ten kuthnathawktute tan budget-ah sum an la dahsak ngai lo a, an buh thar chhuahte erawh an sorkar tih hming\hat nan report-ah an ziak lang thung \hin niin a sawi a. ZPM-in thuneihna a chang a nih chuan kut hnathawktute tan Budget-ah a takin sum an dah dawn niin a sawi. Pu Lalduhoma chuan hmasawnna ruhrel pawimawh berte zinga mi kawlphethaa an intodelh turin Tlawng, Tuivai leh Kalodyne-te khuah puitlin an ngai pawimawh dawn tih a sawi a. Gas-a intodelh tura hma an lak bakah khaw tinah Development Bank din a ni anga, chhungkaw tin hnenah bul an \anna tur pawisa, Loan hmangin an pe dawn tih a sawi.

Pu Lalduhoma chuan, kut hnathawktute leh mirethei zawkte zalenna rahbeh sak a, sal a siam turin sem policy an ti ve dawn lo tih sawiin, bana kaih policy hmangin kut hnathawktute leh miharsate tan Sal tang chhuahna Jubilee an vuak sak dawn tih a sawi.

ZPM Steering Committee Vice Chairman, Rev. Dr. K. Thanzauva pawhin Mizo hnam chu Pathian hnam thlan leh zawnchhuah ram, chanchin\ha avanga khawvelin Kristian ram tia an hriat a ni mah se, rorelna kaihruaitute kalpui dan a dik tawk loh avangin HIV/AIDS vei tamna ram, Drugs addict tamna ram, Smugglers tamna ram, eirukna ram, mi chanhai leh pachhiate lak sakna ram, Cancer vei tamna ram a nih tawh bakah Kut hnathawktute rahbehna ram a lo ni ta niin a sawi a. He saltanna laka Mizoram chhanchhuak turin ZPM chuan theihtawp a chhuah mek niin a sawi.