ZPM-in ram leh hnam himna leh mipui hriselna ngaihthahah sorkar puh

0
586
views

ZPM thalaiin ram leh hnam himna leh mipui hriselna ngaihthahah sorkar an puh. ZPM thalai hruaitute hian vawiin khan Aizawl Press Club-ah chanchinbumite kawmin Bairabi Rail Station-ah vawiin thlengin ILP endik a la ni lo niin an sawi a, Bairabi ah hian zantin Rel a thlen bakah a mi phurh zingah hnamdang tam tak an tel thin tih an sawi a, heng mite hi Sorkarin ILP an neih leh neih lo a endik ngai lo tih tunhnaia Bairabi rel station an tlawh tumin an finfiah tih an sawi. ZPM thalai hruaitute chuan, rel chawlhhmunah hian Kolasib DC in ILP counter pakhat temporary in dah mahse a nih tur angin hna a thawk lo niin an sawi a, Mizoram sorkar chu ram leh hnam himna ngaihthahah an puh a ni. State dang atanga thlai thianghlim lo tawlhluh chungchang sawiin ZPM thalai hruaitute chuan, state pawn atanga thlai lak luhte zingah mihring tana hlauhawm bawlhlo hmanga enkawl a awm niin an sawi a, kumin January thla khan Bairabi YMA te chuan Bairabi Bazar-a zawrh tur State pawn atanga thlai lak luh an endiknaah mihring ei atana him lo thlai tam tham tak an man niin an sawi a, hemi chungchang hi tualchhung chanchinbuah pawh tarlan a nih hnuah Sorkar hmalakna engmah a awm lo chu mak an tih thu an sawi a, mipui hriselna leh himna ngaihthahah Sorkar chu an puh a ni.