Vawiina an pawl chhung inkhawmah Pu Lalduhoma chuan, inthlan hmaa ZPM au hla Sawhthing chungchangah tunlai hian kuthnathawktuten harsatna an tawk mek a, a leituten a chingtute kawtkaiah kg. khat Rs. 47-in lei an dil a, a chingtu lamin
Rs. 49 an chhiar thung a, an indawr mek a ni, a ti a. Inthlan hma khan ZPMchuan thuneihna an chang a nih chuan, sawhthing hi Kg. khat Rs. 50-a lei an tum thu an puang a, hei hi an Campaign au hla ber pakhat pawh a ni a, hetiang hi ni mah se, a lei theitu an ni pha ta lo a ni, a ti a. State Assembly inthlanpuiah khan ZPM chu lo tling hlauh ni se chuan, kumin a\angin sawhthing hi an lei thei nghal dawn tihna a ni a, hetiang a nih chuan kumin a\ang hian kut hnathawktuten lei rem an rap \an nghal dawn tihna a ni a ti a, hemi atana an suangtuahna a puitling ta lo chu pawi an ti hle tih a sawi.
Pu Lalduhoma chuan, tunah hian sawhthing chu a rate a \ha chho mek tih sawiin, kuthnathawktute man man zawka an hralh theih nan Mizoram sorkar chuan \anpui duh se \ha a tih thu a sawi a. Hetiang an \anpui a nih ngat chuan chhungkaw tam tak an dingchhuak nghal dawn tihna a ni a, hetiang a nih mek laia Sorkar berin hmalak tum lova kut a kuangkuah tlat chu a pawi hle a ni, a ti a. ZPM a sorkar hunah chuan an lo intiam lawk tawh angin sawhthing mai ni lo, thlai dang chingtute pawhin man man zawka thlai an hralh a, kut hnathawktuten lei rem an rah theih nan State sorkar chuan a theihna zawn zawnah a pui \hin dawn a ni, a ti.
He inkhawm hi ZPM Consultant, Pu K. Liantuala’n a kaihruai a ni.
