Vawiina an Pawl chhung inkhawmah thusawiin, Rev. Dr. K. Thanzauva chuan, Pathianin mihringte chauh a hmangaih lova, khawvel hi a hmangaih a ni, a ti a. Tute hnam emaw, tute pawl bik emaw chauh pawh a hmangaih lova, hnam tin, pawl tin a hmangaih vek tih sawiin, Pathian ringtute hian Pathian rilru \awmpuiin, an mihringpuite, an party mi kher lote pawh an hmangaih tur a ni a. Hmangaih bing an nei a nih chuan Pathian duh dan nen a inkalh tih hi political party, a bikin rorel laiten an hriat a pawimawh a ni a ti.
ZPM Senior Vice Chairman, Rev. Darchungnunga pawhin thu sawiin, Lok Sabha leh Aizawl West I bial Bye Election neih zawh taka ZPM leh Congress Party thawh ho chhan chu BJP lian zel tur dodalna niin a sawi a. Vanduaithlak takin tuna Mizorama thuneihna chang mektu MNF chu BJP zawmpui, NEDA member an nih avangin BJP kaihhruai NDA member dik tak an ni a ti a, BJP hnuaia kun chu \ha an tih bawk si loh avangin congress nena thawh hona chu a piang ta a ni, a ti. Rev. Darchungnunga chuan, MNF chu NDA member ni lo se chuan ZPM leh Congress chu an thawk ho dawn lo niin a sawi.
Rev. Darchungnunga chuan, Congress nen an thawh dun chungchangah an mahni thlawptu mi\henkhat rilruna an awm chu pawi a tih thu a sawi a. He thawhdunna hi inthlanna neih zawh tak atan chauh khan a ni a, kawng dang engmah sut a nei tel lo niin a sawi bawk.
