ZPM legislature party hruaitu Pu Lalduhoma’n Mizoram sum dinhmun enin a thlamuan thlak hle nia a lan thu a sawi a, sorkar hnathawkte hlawh cut sak tum pawh thulh rih a duh tih a sawi.

0
20
views

Speaker leh Chief Secetary te bultuma Covid-19 dona sum tuak thu Mizoramin a buaipui mek chu Speaker leh Chief Secretary te kaltlanga sorkar hmalaknaah ngaih loh theih a ni lo tih Pu Lalduhoma hian a sawi a. Sorkar a mangang a, ngenna a siam a nih chuan tumah an an tlanchhiat a rin loh thu a sawi a, hetihrual hian tun thlenga sorkarin an mangan thu emaw, ngenna emaw engmah an sawi si loh avangin, a tute tan pawh phur tak leh phal taka thawhlawm thawh a harsat phah niin a hriat a ni a ti.

Pu Lalduhoma hian Mizoram sorkarin sum a hmuh, a hriatpui theih chin chu cheng vbc 882 chuang a ni tih a sawi a, chungte chu:

1) May, 2019-ah National Bamboo Mission atangin cheng vbc 7.92.
2) Ni 17 leh 23 March 2020-a loan puk – Rs 360 cr.
3) Ni 1.4.2020 ah NEC atangin – Rs 3 cr.
4) Ni 3-4-2020 ah SDRF atangin – Rs 23.50 Cr.
5) Ni 3-4-2020 ah Revenue Deficit Grant – Rs 118.55 Cr.
6) Tax Devolution atangin – Rs 232.96 Cr.
7) National Health Mission Fund atangin – Rs 7.88 Cr.
8) Ni 21-4-2020-a loan puk – Rs 100 Cr.
9) LESDE atangin – Rs 21 Cr. leh
10) CMRF atangin May ni 5 thlengin – Rs 7.56 Cr, a vaiin cheng vbc. 882 nuai 37 a ni a ti.

Kumin February ni 25 khan, Finance changtu chief minister Pu Zoramthanga’n kar khat chhunga Mizoram Budget pawn lam atanga sorkar sum hmuh chu cheng vbc 5,000 a tling tih a lo sawi tawh bawk tih Pu Lalduhoma hian a sawi a. Jal Shakti Minister, Sekhawat-a’n pek a tum zat chu a tam lutuk avangin Chief Minister khan a sawi lang ta lo niin a sawi a, hengte nen hian engzat nge sum awm tih hriat phak a ni ta lo a, thil awmdan enin a thlamuanthlak hle a lo ni tih Pu Lalduhoma hian a sawi.