ZPM Party-in Covid 19 hri leng vanga harsatna thleng mekah Chief Minister, Pu Zoramthanga chu mipui thlamuan tura penchhuak tura an duh thu an sawi.

0
311
views

Khawvel pumah Covid-19 hri leng vangin mipui leh sorkar an buai mek a, ram dangah chuan sorkar hruaituten an theih ang anga hma an lak laiin Mizoram Chief Minister chu mipui thlamuan tur a nih laiin Lengpui Airport-ah a kal tluk tluk niin an sawi. Ramri-ah mi tlawmngaite’n chhun leh zan sawi lovin hun an hmang mek a, ei leh in tur mumal pawh nei lovin thosi karah nitin hun an hmang a, mi tlawmngai leh MLA thenkhatin eitur leh an mamawh an ngaihtuah sak mek laiin Chief Minister berin mipui leh ram tana ramria duty te ala tlawh ve miah lo niin ZPM hian an sawi a, hmun hahdamah chauh hun la hmangah puhin hruaitu nih a tlin loh zia a tilang a ni, an ti a. Chief Minister chu a tul anga penchhuak tur leh mipui leh ramria duty te thlamuan turin an duh tih an sawi.

CM hian Lengte-ah ram zau tak a nei a, Mau chi a kui mek tih chu vantlang hriat a ni tih ZPM hian an sawi a, a huan tlawh thup nan Lengpui airport hi a tlawh thin em ni tih chu an zawhna a nih thu leh ram mipui zawng zawng an mangan laia Lengpui Airport siamthat a tlawh fo chu thawktute a ring zo tihna a ni em tih mipuiin hriat an chak a ni, an ti a. Mipui leh ramria duty te thlamuan tura a che chhuak ngam lo a nih chuan CM nihna chu midang kutah hlan mai turin an ngen tih ZPM hian an sawi.