ZPM pawhin School Education Minister awm loh hlana result tihchhuah a ni leh a awm loh lai veka siam that a nih tur thu puan a ni chu mak an tih thu an sawi.

0
319
views

ZPM hian thuchhuah siamin School Education Minister Pu Lalchhandama Ralte hoa felfai taka zirtirtu tam tak lak a ni chu lawmawm an tih thu an sawi a. Education Minister awm loh hlana result tihchhuah a ni leh a awm loh lai veka thil fel tawk lo awm leh siam that ngai siam that a nih tur thu MNF Treasurer Pu Vanlalzawma’n Chief Minister zahawm tak Pu Zoramthanga’n a hrilh anga MNF Party office Hnam Run-a puang leh ta mai chu mak an tih thu an sawi a, Education Minister ber hriat loha hetianga thil tih a nih avang hian Mizoram Zirna chu nasa taka pawngsual a ni leh ngei dawn nia an ngaih thu an sawi.

MNF Party Treasurer sawi anga thil fel lo leh dik lo siam that tur a awm a nih chuan a tidik lo tute chungah dan anga action lak a nih ngei theih nan ZPM chuan a enzui zel dawn tih an sawi bawk.