Pawl pathum tangrual, Zoram Peoples’ Movement hruaitute, vawiina thukhawm chuan an pawl Flag atan rawng eng hman ni se an ti. ZNP, MPC leh Zoram Exodus Movement tanrualna pawl, Zoram Peoples’ Movement hruaitute hi Aizawl Treasury Square-a ZNP Pisa-ah an thukhawm a, an pawl hnathawh dan tur vila kaihruaitu atan Val Upa Council Member 6 an ruat a, chungte chu ZNP atangin Pu C. Laitanga leh Prof. Thangchungnunga, MPC atangin Pu KL Lianchia leh Dr. B. Thangdailova leh ZEM atangin Pu Lalfak Zuala leh Pu F. Lalremsiama an ni a. Hei bakah hian Steering Committee Member atan pawl tin atangin member 5 theuh an ruat nghal a. An pawl Office atana MPC Office hnuaia Durbar Hall luah hawh an dilna pawh MPC-in a remti bawk. He thutkhawmna hi ZNP Vice President, Dr. Kenneth Chawngliana’n a kaihruai a, thawhhonaa tel pawl 3 hruaitute an tel a ni.
