All India Federation of University and College Teachers’ Organizations leh Federation of Central University Teachers’ Association rualin Mizoram University Teachers’ Association-in vawiin khan Mizoram University Auditorium kawtah Demand Day an hmang a, ram pum huap pawlte ruahman tawh angin vawiin, Zirtirtute ni-ah khan Teacher’s Day hman dan pangngai anga hmang lovin an thil phut nawr zuina, Demand Day atan an hmang a, ni danga an tih dan ang lovin zirtir hna chawlhsanin lungawi lohna an entir a ni. An thil phut zingah chuan an hlawh ennawntu tur, Chauhan Pay Review Committee Report puanzar, College leh University-a a nghet lova thawk te, a hma thei anga dah ngheh, zirna in, mimal kuta hlan (Privatize) leh sumdawn nana hman (Commercialize) sorkarin a tum sut, University leh College te Grade thuma thena, chumi zulzuia anmahni thuneihna ‘autonomy’ pek tumna an duh lohna te, sorkar laipui leh state sorkar hnuaia University leh College te enkawlna sum chu a vaiin sorkarin tum rawh se tih te a tel a ni.
