Kumina inthlan lo awm turah hian Congress leh MNF chuan an sorkar chhunga an thil lo tih tawhte an insawisiak dawn nia sawiin, sorkar laipui hnuaiah kum 31 zet Mizoram chu State a ni tawh a, he dinhmun aia sang hi India hnuaiah a awm theih loh avangin Congress leh MNF hian State sorkar thuneihna sang tak an chan chhunga Mizoram mipuite an thlenpui theih chin chu tuna thil awmdan hi a nih avangin ram kaihruai tura an \hat tawk lohzia a lang chiang hle niin a sawi. Dr. Kenneth Chawngliana chuan tunah hian party pahnih, Congress leh MNF chuan sem policy kalpui zel turin tunah pawh an inzawrhna a la ni reng nia sawiin, he policy hnuaiah hian hnam nun a tlahniam a, nationalism a \hangduang thei lova, kuthnathawkte leh miretheite tan phei chuan beh lehzualna chauh a ni a, ZPM chuan thlai thar rate siamin mipui huapzo leh hmasawnna tluantling thlen tir tur sorkar an din dawn niin a sawi.
ZPM chhung inkhawm hi an pawl Secretary, Pu C. Lalthanfela ‘n a kaihhruai a ni.
