ZPM Steering Committee Sr. Vice Chairman Pu F Rodingliana’n an pawl chu tunhnaiah nasa takin a \hang niin vawiin khan Aizawl Press Club-a thutharthehdarhtute a kawmnaah a sawi.

0
268
views

Pu F Rodingliana chuan, ZPM in membership fee an khawn ve loh avang leh an mahni zawmthar te pawh an khingpui te anga lawmluh an nih ve lemloh avangin tlem anga lantir an tum niin a sawi a, ZPM chu pawl hrang hrang inzawmkhawm a nih bakah kalphung thar a kal chak tawh mipuiin tunhnaiah nasa takin an zawm niin a sawi. Pu F Rodingliana chuan, an pawl a \hang chak chu Chief Minister Pu Lal Thanhawla pawhin a hmuhhmaih loh avangin a bial ngai chu a tlanchhiatsan nia an ngaih thu sawiin mi\henkhatin MNF lian hle anga an ngaih pawh an party zawm thar lawmluh an ziah leh inthlan hnuhnung bera MPC nena tangduna an vote hmuh dan nena khaikhinin an tlahniam zawk nia an ngaihthu sawiin mipui a intihropui na atana kawngpui hnawh chep a mipui harsatna an siam em tih pawh ngaihtuah duh lova inchhekarbawmah a puh bawk. Pu F Rodingliana chuan, Sorkar in traffic Jam tihreh na atana lirthei intlanchhawk tir chu awmze nei lo niin a sawi a, lirthei a pun phah nasa a mirethei te harsatna nasa takin a thlen phah zawk niin a sawi. Pu F Rodingliana chuan, Assembly inthlana thuneihna an chan chuan Aizawl khawpui Traffic Jam tihreh nan Open Air Escalators hmun 9 ah siam an tum thu te, kawngpeng \huama lirthei intawkkhawm tam lutuk avanga Traffic Jam awm thin chu a tihreh dan an ngaihtuah tur thu te, thlaithar pho chhuahna, Vegitable Show Room siam an tum thu te, kawlphetha a Mizoram a intodelh theih nan Tlawng lui leh Tuichang khuah an tum thu sawiin heng an thil tum te hi mithiam ruaiin an zirchian tawh thu leh project pawh an peih deuh vek tawh niin a sawi bawk. Pu F Rodingliana chuan an pawl chu kohhran rawgbawltu, khawtlang hruaitu leh NGO hruaitute pawhin telve na tlakah an ngaih thu sawiin bial 5 a Candidate tur an la tih fel loh zinga Tuichawng, leh West Tuipuiah Candidate an dah dawn lo tih sawiin a bak bial 3 a mi tur chu an la tihfel loh thu a sawi bawk. Zawhna chhangin Pu F Rodingliana chuan Congress chu beihtlakah an ngaih loh thu a sawi.