Sub Hqrs. YMA President, Pu K. Eley Rosanga chuan Mamit Bawrhsap thiltih dan chu Mizote rahbehna leh an duh loh zawng niin a sawi a, he inkhawmah hian Mamit Bawrhsap lim pawh hal a ni. Hemi hnu hian Resolution siamin Pu Bhupesh Chaudhary chu engti kawng zawng mahin Mamitah let tawh lo se an duh thu te, a rang thei ang berin Mizoram chhuahsan se, Mamit DC a nihna a\anga amah sawnna order chu a rang thei ang berin sorkarin tifel se an duh thu an tarlang a ni.
Mamit Bawrhsap duh loh entirna vawiina Mamit DC Office bula neihah hian buaina chhuak a awm lova, dan leh thupek kengkawh tura Magistrate leh Police duty tir te chuan boruak \ha takin an dawng a ni. Mamit Bawrhsap duh lohna mipuiten an entir kaihhnawiha buaina chhuak palh thei vengin 4th IR Battalion company hnih, 5th IR Battalion platoon hnih leh 3rd MAP platoon khat duty tir an ni a, heng mite hian boruak engkim a pangngai leh hma chuan duty an chhunzawm zel dawn niin Police hotute hnen a\anga thu dawn a ni. (Dinga)
Hetihlai hian Mamit Bawrhsap, Pu Bhupesh Chaudhary hi Mamitah a awm lova, nimin tlai thim hlim khan Police venhimna hnuaiah Aizawl lam a pan nia hriat a ni a, hei hi hria-in tlawmngai pawl hrang hrang \angrualte chuan nizan khan Civil Secretariat Complex-a a kal ringin Dinthar leh Chawnpui lam a\anga kalna kawng leh Khatla lam a\anga kalna kawngah an lo chang a, amaherawhchu, Civil Secretariat Complex-a a kal loh avangin dan tur an hmu ta lo a ni. Hetihlai hian Pu Bhupesh Chaudhary sawn chhuah an phut chungchangah NGO Coordination Committee hruaitute chuan Chief Secretary hmuh an tum nia thudawn a ni bawk.
