0
604
views

Upper Khatla, Bible House thiah tak bul kawng hi an va siam tha har ve le. Ruahsur hma hian siam vat teh se, ruah a sur, a thawh theih loh an ti leh ange!!!
A Citizen
—————

Road Safety Week-ah hian zu rui chunga motor khalh leh harhfim test na Breath analyser hmanga man (leh convict) eng zat tak awm ang maw? Hetiang hmanraw tangkai em pawh nei lo Police an ni em lovang chu maw?

Ram tha ngaia

—————

Ni 14.2.2018-a chhuak TIHDAMNA LEH A KAIHHNAWIH tih Pu PL Liandinga ziah hi a va tha tehlul em. Doctor ten damdawi chi 5 te min han chawh tawk tawk mai hi chu lei a tha nat thlak duh khawp mai. Damdawi hralh hnem tir duhna lam ni hian a ngaih theih mah mah zawk thin. Kei pawh Doctor pakhatin thla khat ei tur min chawh a, dawr nghaktu nula-in kar khat ei lei phawt ta che min ti a, kar khat ka ei chuan ka dam hlen der mai. Kha dawr nghaktu nula kha fel ka ti khawp mai. Lo dam lo pawh ni ila a lei leh mai theih thova, chuvangin vawi khata damdawi lei teuh pawh hi a tul lo khawp mai.

9862770424
—————

Mizorama Congress sawrkar Mizo mipuiten kan chhinchhiahna ber tur chu LEI CHIM sawrkar a ni ta e. MNF kan chhinchhiahnate chu MAWZA MANTO, EKIN KAL THEI leh HMUI sawrkar. Min va sawp NASA em em ve aw.

Zualtea pa
————–

Vanglaini-a thlirna tiha a ziaktute thlalak lang tel ziah hi a va ninawm tawh em. Bakah ni 14.2.2018 chhuaka ‘CM zingah’ tih chhuakah khan Pu Lal Thanhawla an ziak lang ve lo kha a va mak ve. Vanglaini hian Pu Hawla hi an va lo hlau em em ve. Vanglaini ka ngaihsan loh phah, ka la tawh lo mai dawn emaw ni.
8974797283
————–

Tuirini lei dawh lai chim kha Engineer zir sangpui pui (an thiam leh thiam loh chu ka sawi ngam lo) awm laia a chim kha mak ka ti tawp. An awm loh laia chim chu nise ka hrethiam deuh a. An lei dawh dinhmun hre miah lova kha chen an awm thei kha thil mak tak chu a ni bawkin ka hria.
9774354495

—————-

Tuirini lei chim an sawi reng mai. Ka hriat dan ka’n sawi ve teh ang. Kum
2014 atanga kum 2017 thleng khan he kawngah hian hna thawkin ka awm a, Tuirini balu kan hmang a, Tuirini pawh ka kal fo mai. Lei hi an dawh that awm reng ka hre lo. Kum 2006-a Sakawrdai ka kal tuma kan lei zawh tho kha a la a ni. Kum 2010-a dawh tan za zela 90 zawh tawh angin an sawi a, estimate lah a nuai tel, tu takin nge a hlawkna tel ta ang?
8575628465
—————

Thingtlang ho khan Congress bawk VOTE leh ula, kawngchhia, lei chhia leh thildang. Kei chu Vairengte leh Aizawl inkar an nawrh loh chuan ka nghei dawn lo tih ka chiang. Chuvangin tualto PARTY ngat a ni ka VOTE thin ni. In duh leh Congress bawk vote leh ula, in phun in phun leh anga ni mai.
Thlirtu
—————-

Lei a chim leh ta maw! A awm tho ve. Lei a chim hian a mawhphurtute hrem an ni ngai si lova, a chim leh reng dawn a sin. Hmana lei a chim te khan a mawhphurtute an phu tawk lo hrem tawh ni se chu Tuirini lei hi tun ang hian a chim hauh lo ang mawle.
MIMAWL KEIMAH
—————

Sem policy hi kan kalsan a hun ta takzet. Kuthnathawk hmangaihtu ram hruaitu kan va mamawh em! Heti zat lo nei a eizawng kan awm a, buhah takngial pawh kan State a la intodelh lo a nia, inngaihtuah chiang ang u.
Lawma Pa
————–

Eye Donation hi a tha viau e. Amaherawhchu, Pathian duhzawng a ni ang em? Thawhlehna ni-ah mit tel lova kan thawh leh hi a theih ang em? Pathianin pianphunga rual ban lova a siam hi keini’n lo siamthat tum ve ngawt hi a him em? Tawng mawi lo ni lo sela, ka ngaihtuahnaah a lang ve tlat.
8413030623
—————

Tuirini lei chim hi tu auh chim nge a tih leh dawn Pute u?
9862611023
————–

NLUP vanga mi rethei ding chhuak ta hi kei chuan ka hre ve lo. Hlawhtling an tih ho lah hi pawisa nei deuh leh huan, ran, sangha dil, etc. nei tha sa deuh vek an ni.
Victor-a pa
————–

Mizo zinga ka mi ngaihsan berte leh ropui ka tih ber te Pu Robert Romawia Royte te nupa ka ngaihsanna chhan leh ropui ka tihna chhan mi piangthar dik tak leh rilru dik, mi tha an ni. Pathian an ngaihsaka, Pathian an chawimawi a, an sum lak luh dan a dikin a thianghlima, a dik bawk. Vision an nei thaa, an thil tihin belhchian a dawl. Midangte tan malsawmna an ni. Hetiang mi Pathianin min pe hi a va lawmawm tehlul em. Anni nupa ang hi Mizote hian nei leh tak ang i maw? Kei chuan ka chhuangin ka ngaisang tawp. Kan ram Chief Minister atan pawh Pu RRR-a hi ka duh ber. Midangte an fel lo ka tihna ni lovin a ni hian min hruai se kan ram hi a dam ngei ka ring. A chhan chu an dika, an duham ve lo tlat. Tute mahin lo thik lo ula, ka ngaisang ema ka’n tarlang ve mai a nia. Anni nupa leh chhungkua ang hi kan ram leh hnam hian kan mamawh a ni. MP-a a in candidate tum pawh khan mi tam tak chuan a tling dawn chuang lo an ti a, mahse mi dik leh ka mi duhzawng ber a nih avangin lungawi takin keini chhungkua chuan kan vote a, kan inchhir lo khawp mai. Pu RR-a Royte te chhungkua Pathian hruaina zarah dam reng rawh se.
Chhim Pa
—————

Lei chimah hian eng ang pawhin Inquiry Commission din mahsela thil thar hmuh chhuah tur a awm lo. A foundation lui kama a innghah chhan a nep lutuk a ni mai. PWD hotute leh a changtu Minister mawh liau liau a ni e.
RK Sanga
—————