Hemi puala inkhawm an department Conference Hall-a buatsaihah Director Pu Rohmingthanga Colney chuan, loneituten thlai mamawh ang zela lei tihthatna (fertilizer) an hman thiam theih nana kaihhruai chu Soil Health Card scheme-in a tum a nih thu a sawi a, he scheme hmang hian loneitute buh leh thlai chinna rama lei te endik tura lak thin a nih thu sawiin heta tang hian an thlai chinin a mamawh tur fertilizer te ziah lanna Card chu loneitute hnenah pek chhuah leh thin a ni a ti. Pu Rohmingthanga Colney chuan, village fertility map siam tum a nih thu a sawi a, loneitute tan thil tangkai tak a nih ngei a beisei thu a sawi a, lei hrisel taka thlai tam zawk an thar chhuah theih nan Soil Health Card-a inziak anga lei\ha te hmang turin loneitute a chah a ni.
Inkhawm kaihruaitu Agri Joint Director Pi Zothansangi Sailo chuan, ram pumah Soil Health Card vaibelchhe 14 semchhuah tum a ni a ti a, Mizoram-ah pawh kum 2015 atang khan hman \an a nih thu te, lei endik tawh atangin Soil Health Card 28,699 sem chhuah a ni tawh tih sawi. Kum 2015 Feb ni 19 khan sorkar laipuiin Soil Health Card Scheme hi a hmang \an a ni.
