AIPEU nawrhna Mizorama Dak hnathawkte’n zawm vangin Dak In khar vek a ni

0
682
views

Dak hnathawk inzawmkhawm pawl, All India Postal Employees Union, vawiina ram pum huapa an nawrhna chu Mizorama Dak hnathawkte pawhin an zawm a, Dak In khar vek a ni. All India Postal Employees Union, Mizoram Joint Council of Action Secretary, Pu Thanzuala hnen atanga ZONET thudawn danin, sorkar laipuia an thil nawr hrang hrangte a hlawhtlin theih nana ram pum huapa an nawrh chhan hi – hna ruak hrang hrang awmte, hnawh khah an phut avang te, mimal hnena Dak In hlan tumna an duh loh avang te, chawlhkar khatah ni 5 hna thawh ve an duh avang te, Central Pay Commission rawtna anga Casual leh part time-a thawkte Arrear pek an phut avang leh scheme thar leh hmanraw thar hman a nih changa thawktute harsatna sut kian an phut avang leh thil dangte pawh a tel a ni.