Maruti-Suzuki Showroom thar Pu Hawla’n a hawng

0
528
views

Aizawl Edenthar venga Maruti-Suzuki Dealer, GIG Motors Showroom thar chu vawiin khan CM, Pu Lal Thanhawla’n a hawng a, lirtheia chetsualna thleng thin pumpelh turin traffic dan ngaih pawimawh thar a tul thu a sawi. Lirthei neitute hi sorkar-a an motor an ziah luh dawnah a dahna hmun neiin an insawi vek a, heti chung hian hmun tam takah kawngpui dunga lirthei hun ching an la awm tih sawiin, hei hian kawngpui a tichep hle niin a sawi a, vantlang tana tangkai tur thil tha a awm dawn chuan a chhawr tangkai tur khua leh tuiten dan an zawm thiam a pawimawh thu leh mipuiten dan an zawm loh chuan anmahni tan vek harsatna a thlen leh thin avangin dan zawm kawngah mipuite an than harh a tul thu a sawi bawk.

GIG Motors neitu, Pu John Lalpeka chuan, mipui rawng an bawlna kawngah a tha thei ang bera thawh chu an thil tum ber niin a sawi a, GIG Motors Showroom thar hawnnaah hian Central YMA President Pu Lalbiakzuala, United Bank of India leh Maruti Suzuki Company aiawhte pawhin thu an sawi a. Pu John Lalpeka hian Chief Minister’s Relief Fund-ah cheng nuai 1 a pe a ni.