Aizawl Dinthar venga Evangelical Baptist Convention Kohhran Biak in chu dinhmun hlauhawma a awm avangin nizan khan bungrua an thiar chhuak

0
273
views

Aizawl Dinthar venga Evangelical Baptist Convention Kohhran Biak in chu dinhmun hlauhawma a awm avangin nizan khan bungrua an thiar chhuak. He Kohhran hotute hnen a\anga ZONET thudawn danin an biak in bula Pu Hmingthankunga in hmun chu In sak na atan laih a nih laiin a min a, lei min hian an biak in kawmthlang chu timin telin Biak in chu dinhmun hlauhawmah a awm ta niin an sawi. EBC Kohhran hotute chuan, an harsatna tawh chu thuneihtute hnenah an thlen vat tih an sawi a, Aizawl District Disaster Management Authority lam pawhin an enfiah hnuah Pu Hmingthankunga te pawh hna chhunzawm rih lo turin an hrilh niin an sawi. EBC Kohhran hotute chuan, thuneitute remtihna-in thlanglamah an ni leh Pu Hmingthankunga ten lung an rem mek tih an sawi a, hetihlai hian tunkar Nilaini tlai lam khan hnathawktute an haw hnuah lei a rawn tl^k thu leh zan lamah a tl^k nawn leh avangin a t<k Ningani a\angin hna an chhunzawm ngam ta lo a tih sawiin hemi chungchang hi thuneitute an hriattir leh hnuah nimin khan thil awmdan an rawn en leh tih an sawi a, Biak in tan a him loh theih thu thuneituten an sawi ang leh an thurawn angin Biak in bungrua te chu an thiarchhuak ta niin an sawi. EBC Kohhran hotute chuan an bungrua te chu mimal in hrang hrangah an vawm lut rih niin an sawi a, naktuk Pathianni pawh Kohhran inkhawm an nei thei rih dawn lo niin an sawi bawk. Kan Corr. a hmuna kalin a sawi danin Biak in thlang lam lei min hi a hlauhawm hle a, EBC Kohhran Sunday School Hall bang leh tuidehna bang a khi chat a, Biak in hnuai lei pawh inches 2 vela zauin a khi a ni. He thil thlenna hmun hi Bialtu MLA Pu Lalruatkima pawhin nizan khan tlawh nghalin thil awmdan a enfiah a, hnatlang thingpui lumna tur Rs 3000 a pe bawk.