Pu Lalduhoma chuan Kum 1984 a\anga vawiin thlengin Mizoramah Political party pahnih – Congress leh MNF in ro an la inrel chhawk ngar ngar tih sawiin, kum 30 chuang Chief Minister pahnih inchhawkin ram an kaihhruai tawhna chu chhawk ngai nia mipuiten an hriat tawh avangin an mahni chhawk turin \angrual pawl a lo piang ta a ni a ti. Pu Lalduhoma chuan, Congress leh MNF party chu an chhe ta duai tihna a nih loh thu leh an hruaitu zingah pawh mi \ha tak tak an awm thu sawiin, hetihrual hian Sorkar-na an siam leh a nih chuan Chief Minister tur chu a ngai bawk an nih avangin Congress emaw MNF emaw ni lo tih a lo ngai ta a ni, a ti a. |angrual pawlin hruaitua harsatna an tawh mi tam takin an hlauhthawnpui chu harsatna nei lovin an paltlang tawh nia sawiin, Symbol-ah pawh harsatna an tawk dawn lo niin a sawi a, \angrual pawlin thuneihna a chang a nih chuan Brig. T Sailo-a’n six basic needs a lo tlangaupui \hin tihlawhtlin tura hmalak hmasak a nih tur thu a sawi.
Pu Lalduhoma chuan, ei leh bara intodelh tur te, tui hniang hnar a awm theih nan te, kawlpheta intodelh tur te, eirawngbawlna Gas hnianghnar tur te, mi zawng zawngin chenna tur in an neih theih nan leh eizawnna ngelnghet an neih vek theih nan \anlak a nih tur thu a sawi a, hei hi bana kaih Policy hmangin an hlenchhuak dawn niin a sawi a ni.
ZPM Secretary General, Aizawl East I bial viltu, Pu K. Sapdanga chuan, kum 1972-a UT a Mizoram hlankai a nih hnuah Aizawl East I bial chu Rulling Party bial a la ni ngar ngar nia sawiin, eng emaw laia khaihlak zeuh a awm tih loh chu kum 40 chhung zet Rulling Party-in an enkawl tawh niin a sawi a. Heti chung hian an bial chhungah hmasawnnain a thlen phak loh engemawzat a la awm a, Sorkar Step thlen tawp chin a\anga thui tak la kal ngai te, vawiin thlenga Sorkar tui la in phak ve lo an la awm a, Aizawl khawpui chhung bialah chuan chempui leh tuthlawh tam berna bial a la nih avangin an bial tluka khawvar hun nghakhlel an awm chuang lo niin a sawi a ni.
ZPM Steering Committee Senior Vice Chairman, Pu Vanlalhlana pawhin ZPM chu duh leh tum thuhmun pawl 7 \angrualin an din nia sawiin, heng pawl hrang hrangte hian duh leh uar bik nei \heuh mah se, an inpawm sak tawn vek niin a sawi a, an thawh honaah hian harsatna an nei lo niin a sawi. He inkhawm hi Aizawl East I South Block Chairman, Pu KC Lallianmawia’n a kaihruai a, kalkhawmte chuan Resolution siamin – Mizoramah kalphung thar, mipui Sorkar a awm theih nana ZPM din a ni chu lawmawm an tih thu te, Chief Ministerial Candidate atana Pu Lalduhoma ruat a ni chu lungrual taka an pawm te, an thawh hona tichhe thei chi reng reng an do zel tur thu te, Aizawl East-I Bial vil tura Pu K. Sapdanga ruat a ni chu lawmawm an tih thu leh kumin kumtawpa Assembly inthlanpui neih hunah ZPM a sorkar ngei theih nan \anlak an tum thu an sawi a ni.
