Aizawl Tuithiang venga Pi Baby Lalrammawii in thiah a ni

0
724
views

Aizawl Tuithiang venga Pi Baby Lalrammawii In, Assam Type chhawng hnih chu a dinna lei a chet avangin fimkhur thilah vawiin khan thiah a ni. Tuithiang veng Local Council hotute hnen atanga ZONET thu dawn danin, he in dinna hi August ni 24 zan khan a che a, hemi avang hian in hi a awn a, tlu mai thei dinhmunah a ding niin an sawi. Thil awm dan hi Aizawl Bawrhsap an hrilh hnuah Tuithiang venga tlawmngai pawl hrang hrang leh Local Council Joint Meeting thutlukna angin hnatlangin in hi an thiat ta a ni. Puan tawh thin angin, June ni 13 khan Saron veng leh Tuithiang inrina bulah hian ruah sur nasa avanga lei tawlhin vanduaina a lo thlen tawh a, Saron veng huam chhunga Pi PC Sangthangi in, Assam Type chhawng 7, chhungkaw 6 luah lai chu a chim a, a bula Tuithiang veng huam chhunga Pi Baby Lalrammawii In, Concrete Building chhawng 6 pawh dinhmun hlauhawma a awm avangin thiah a lo ni tawh a, a chhaka Pi Baby Lalrammawii in tho, Assam Type chhawng hnih hi tun hnai ruahsur nasa avang khan a dinna lei a chet leh avangin vawiin khan thiah a ni ve leh ta a ni.