Bangladesh atanga Covid-19 vei an rawn luh lohna tura beihpui thlak chhunzawm mekah, ram pawn mite rawn luh theihna khan thenkhatah riahbuk sual belh zel a ni.

0
318
views

Khawthlangtuipui group YMA bul tuma ramri dep hmun hla zawka riak, branch hrang hrang member-ten ramri venga an tuam chin an zauh belh zel a, nimin leh vawiin khan Balukiasuri lei hnuai ping lo, ram pawn atanga rawn luh theihna khan remchang laiah riahbuk sual belh leh a ni a, Bagmara-a lei hnuai phui lo lai pawh riahchilha ven tan a ni.

Young Mizo Association Tlabung branch leh YCA Nunsury tangkawpte chuan, helai bawr leh a piah deuha Bagmara lei hnuai awng chu a ral lehlam mai Bangladesh atanga awlsam taka luh theihna anih avangin uluk leh zuala ven an lo rel tawh a, a tirah ramri vengtu sipai lamin rem an tih loh avangin, harsatna an tawk deuh a ni.

Tlabunga YMA branch hrang hrangte chuan, tuna Bangladesh dinhmun enin inthlahdah thei an ni lo tih an sawi a, ramri ven hna an thawh kawngah YCA lam nen pawh an thawkho tha thawkhat tih an sawi a, riahchilha ramri an ven hnu-ah sipai lam pawh ramri ven kawngah an khauh lehzual niin an sawi.