ZPM thalaiin Covid-19 do zel dan tur ngaihtuah turin, Special Assembly koh thuai ni se an duh tih an sawi.

0
44
views

Covid 19 do nana inkhuahkhirh hian engchen nge a awh dawn hriat a ni lova, he hri hian eng ang takin nge Mizoram a luhchhuah ang tih pawh sawi theih a nih loh avangin a chhe ber pawh tawk tura inralrin chu tihmakmawh a ni, an ti a. ZPM thalai hian, Sorkar-in Covid 19 dona atan hmalakna hrang hrang a kalpui mekah, sum pawh thahnem tak sen a ni tawh chungin Health Minister sawi danin, Mizoramin Covid 19 veite enkawlna tur hmun a neih chuan mi 7 bak a dawl zo lo a ni an ti a, Mizoram sum dinhmun chu Finance changtu CM berin a sawi chian theih si loh avangin Covid 19 avanga chhuanchhama awm mekte khaichhuak tura sorkar sum hman dan tur ruahmanna tha neih a tul tak zet a ni, an ti a, hemi kawngah hian chak taka hmala thei turin, mipuiin an aiawh tura an thlanten thukhat vuaa ngunthluk taka an ngaihtuahna an sen theih nan Assembly Special Session ko thuai turin sorkar an duh tih an sawi.

ZPM thalai chuan, Covid 19 hri leng avangin Department thenkhat Tourism, Sports leh a dangte tan sum hman tur a awm mang dawn rih lo nia a lan avangin heng Department-te sum chu Covid 19 dona atan hman ni se, SEDP hnuaia board hrang hrang dinte pawh hmalakna lian tham an kalpui thei rih dawn lova a lan avangin thiah a nih loh vek pawhin, sorkar sum ti hek lo zawnga kalpui turin thuneitute an ngen tih an sawi.