BJP Mizoram Pradesh inkhawma an President, Prof. JV Hluna thusawi

0
545
views

BJP Mizoram Pradesh President, Prof. JV Hluna’n an party-in ram hmasawnna a ngai pawimawh ber niin a sawi a, a dawtah party tana hnathawh a ni a, party mite tana hamthatna chu an thil ngaih pawimawh pathumna niin a sawi. Vawiina Aizawl District BJP Unit hruaitute infuih tharna a hmanpuinaah Prof. JV Hluna chuan, BJP sorkar chhung hun rei lote-ah hian ramin nasa takin hma a sawn niin a sawi a, nakkuma Mizoram Assembly inthlan hunah BJP-in sorkarna a chang dawn nia sawiin, an sorkar hunah chuan Mizorama mi zawng zawng tan buhfai kg khat, cheng khatin an sem dawn niin a sawi. A thil tum zinga pawimawh zualte chu buh leh bala intodelh, kawng tha tawka siam, tui thianghlim in tur tam tawk mipuite pek, kawlphetha tam zawk siam chhuah leh thil siamna tam zawk dinte niin a sawi bawk. He inkhawmah hian Aizawl District BJP Unit President, Pu MC Awia pawhin BJP ni tur chuan mahni hnam leh sakhuaa chian hmasak a ngai niin a sawi a, BJP kalphung chu Kristianna nen a inrem lo nia sawi thin chu thudik lo nia sawiin, Kristiante humhimtu zawk niin a sawi a ni.