Kolasib District Fire Prevention Committee chuan ram kang veng tha ber lawmman lak leh tum turin mipuite leh sorkar department hrang hranga thawkte a chah. Kolasib District Fire Prevention Committee hi nimin khan DC Conference Hall-ah Dist. Bawrhsap, Dr. Arun T.-a hovin an thu khawm a, Chairman chuan District mipui, tlawmngai pawl, VC-te leh sorkar hnathawkte chu ram kang leh in lama kangmei chhuak thei ven kawnga nasa zawka tan la turin a fuih a ni. Nikum thala kangmei veng tha ber lawmman, Rs.50,000/- an dawn hman dan tur an rel nghal a, ram kang ven pawimawhzia, huam zau zawka inzirtir nana hman atan he sum hi an dah a ni.
