He thu hi vawiina Champhai khawpui chhunga Campaign beihpui thlak a, Street Campaign a neihah sawiin, Pu TBC Lalvenchhunga chuan, mi\henkhatin MP pakhat lekin engmah tak tak a ti thei lo ti \hin an awm chu thu dik lo a ni tih sawiin, MP pakhat hian thil tih thei tam tak a nei a, a thil tih theihzia an hre duh a nih chuan amah thlang tling rawh tura chahin, MP a thlan tlin a nih phawt chuan MP pakhat thil theih zia chu a hmuhtir tur thu a sawi. Mizo mipui ten huaisen taka ngaihdan an siam a hun tawh tih sawiin, Prism MP candidate chuan, tling tura an rin ni lo, tling tura an duh ngeiah vote ngam turin a chah a ni.
Pu TBC Lalvenchhunga chuan, Mizorama pawna hnathawka a awm lai a\angin ram a lo vei ve tawh \hin tih sawiin, a pension hnuah a ram vei chu a reh theih loh avngin ama duhthlanna ngeiin Politics a luhchilh a. Nikuma State Assembly inthlanah khan Champhai North-ah PRISM Party Ticket-in a ding a, a vote hmuh zat chu nuihza siam nana hmang pawh an awm hial a, Mizoram a hmangaihna chu a reh theih si loh avangin tuna MP inthlan turah pawh zak lovin a rawn dingchhuak leh a ni, a ti a. Amah chu political party pawn lam a\anga sawm chhuah chawp ni lo candidate a ni a, amah chauh chu party chhung a\anga candidate, politician awmchhun a ni tih sawiin, mipuite chu amah vote \heuh turin a sawm a ni.
