Chawngte leh Chhumkhum inkar kawng laih mekah kawng thar laih a nih theih nan, kawng hman lai khar tum a ni chu Chawngte-a tlawmngai pawl hrang hrangten an remti lo a, hemi chungchang hi SDO (C) Pu S. Kaptluanga hovin nimin khan tlawmngai pawl aiawhten an sawiho.

0
13
views

He kawng hi Chawngte leh a chheh vel mipui mamawh chawk luhna ber leh dam loh nikhua a, hmunpui lam panna ber a nih avangin dan pin an remti lo tih tlawmngaw pawl hruaitute hian an sawi. Chawngte leh Chhumkhum inkar kawng hi kum 2014 atanga laih tan a ni a, Chawngte ah hian Join Action Committee indinin kawngpui tha an neih theihna turin khawtlang hruaitute hian hma an la a, Contractor JKM Infra pvt. Ltd. leh sub-Contractor APS Hydro pvt. Ltd. te hnathawh dan an enpui thin a, an hnathawh dan enin an lakah rinna an nei ngam tawh lo tih Chawngte-a tlawmngai pawl hruaitute hian an sawi a. Tun dinhmunah kawng a chhiat lutuk avangin Sorkar thuneituten ngaihven se an duh tih an sawi.