Chief Minister, Pu Lal Thanhawla’n Mizoram Polytechnic Lunglei campus-a Scheduled Tribe Women’s Hostel leh Library cum Seminar Hall sak thar a hawng

0
284
views

Chief Minister, Pu Lal Thanhawla’n Mizoram Polytechnic Lunglei campus-a Scheduled Tribe Women’s Hostel leh Library cum Seminar Hall sak thar nimin khan a hawng. Scheduled Tribe Women’s Hostel hi Ministry of Human Resource Development a\anga sum hmuh Rs. 1,00,00,000/- senga sak a ni a, Library cum Seminar Hall hi All India Council for Technical Education North Eastern Quality Improvement Program a\anga sum hmuh Rs. 1,20,00,000/- senga sak a ni. Hawnna thu sawiin Chief Minister chuan zirlaite mamawh hmasawnna ruhrel siam thar chu \angkai taka hmang turin zirlaite a fuih a, zirna lamah \halaite khawvel thar siam sak turin sorkar chuan \an a la a, sorkarin a din Education Reform Commission ruahmanna siam hman chhoh mek a nih bakah thiam bik nei tur \halaite zirtir nan leh eizawnna kawng kawhhmuh nan Mizoram Youth Commission Youth Summit leh Road Show pawh district hrang hrangah buatsaih niin a sawi a, zirlaite chu tum mumal neia lehkha zir tur leh zirna an zawhfel hnua eizawnna hnathawh tur ngaihtuah thei turin a fuih bawk a ni. Pu Lal Thanhawla chuan sorkar laipuiin \henawm ram te nena insumdawntawnna neih theihna turin Kaladan Multi Modal Project a kalpui mek tih sawiin, hei hi Mizoram economic dinhmun tih \ha tura hman theih a \ul thu leh heta \anga hnathawh tur awm te Mizo \halaite ngeiin thawk se a duh a sawi bawk a ni. He inkhawmah hian Pu Joseph Lalhimpuia MLA Mizoram Youth Commission Chiarman ni bawk pawhin thu a sawi a, Mizoram chhimlama zirlaiten NEET leh IIT-JEE examna bei tura \ha taka an inpuahchah theih nan MYC chuan India rama Coaching Centre hlun berte zinga mi ALS Delhi nen inthlunzawmin Online Coaching Centre a hawng tawh a, hemi hmang hian UPSC leh Staff Selection Commission hnuaia hna hrang hrang exam duhte tan Coaching neih theih tum niin a sawi a ni.