Chief Minister Pu Zoramthanga’n Union Minister of Mines Pralhad Joshi hnenah lehkha thawnin, Tuipuiral tlangdunga lirnghing zirchiangtu tur, mithiam tir turin a ngen.

0
96
views

Chief Minister hian June ni 21 atanga nimin thleng khan Champhai District chu magnitude 4.2 leh 5.5 inkar lirnghing vawi 50 chuangin a sawi tawh tih leh, lirnghing vang hian building engemawzat a chhiat tawh thu te, mipui thlabar, mahni in-a mu ngamlo, pawn-a riak chhuak an awm thu te a lehkhathawnah hian a ziak lang a. Union Minister of Mines chu Geological Survey of India atangin Mizoram dinhmun zirchiangtu tur, Expert Seismologist/ Geo-physicist tir turin a ngen a ni.

India hmarchhak state te chu lirnghing na tak thlen theihna Zone-V a awm an nih avangin Mizoram khawchhak lamah Earthquake Observation Centre dah belh a nih theih nan hmalak sak tur leh, district tin-ah micro-seismic zonation tih a nih theihna tura hmalakpui turin Chief Minister Pu Zoramthanga hian a ngen bawk.