Nimin tlai lam dar 4:30 vel khan Tuisenchhuah leh Bolia inkara Kau lui kanna Lei chu pick up truck pakhatin a zawh laia a chim avangin mi pahnih an thi a. MNYF Thorang Block-1 ten FIR an thehlut.

0
116
views

Lei hi ft. 280-a sei, kum 2018 a dawh a ni a, quintal 30 zo tura ngaih a ni. He Lei zawh chimtu motor hian Tuisenchhuah retailer buhfai tur bag 23 phurin, naupang 2 nen mi 9 an chuang bawk a, mi 8 an hliam a, hliamte hi Lunglei panpui an nih laiin motor neitu leh khalhtu Zodinpuia kum 33 mi chu Putlungasih-ah a hliam tuar loin a boral a, tukin dar 8:30 khan Dinpuia kum 22 mi Bolia chu Lunglei Civil Hospital-ah a hliam tuar loin a boral ve leh a ni.

He thil thlengah hian vawiin khan MNYF Thorang Block-I chuan an President Ramtharzuala hmingin Lungsen Police Station ah FIR an thehlut. FIR ah hian he lei siam dan leh a contractor te, eng department in nge enkawl chhunzawm tih leh tunge Engineer rawih a nih tihte chhuichhuah sak turin an ngen a ni.