Ruahsur avangin Mizoram hmun hrang hrangah leimin leh tuilianin chhiatna a thlen

0
587
views

Pathianni zan a\anga ruahsur avangin Mizoram hmun hrang hrangah leimin leh tuilianin chhiatna a thlen nual a, hriat theih chinah hliam tuar mi 4 an awm tawh a, nunna chan erawh an la awm lo.

Tukin dar 8:30 vel khan Aizawl Nursery veng, M Section-a Pu Lalmalsawma in, chhungkaw hnih luah chu a chim a, vanneih thlak takin nunna cham an awm lo a, hliam tenau tuar mi 4 te chu Aizawl Civil Hospitalah enkawl an ni. Narsery Veng Local Council Chairman Pu C. Darthankima hnen atanga Zonet thudawn danin, in chim hian mi 8, in chung zawk a cheng Pi Lalmalsawmi te chhungkaw member 6 leh in hnuai zawk luahtu Pu Zaumawia te pafa a chimpui a ni. Mi tlawmngai pungkhawm ten in chimin mihring a chimpui te hi rang takin an chhan chhuak nghal a, in in a chimpui te zingah Pi Lalmalsawmi fanu, Saihnuni chu a hliam na deuh ber a, a nakah darthlalang kehin chhunin darthlanga thlem hi a tang a, Aizawl Civil Hospital ah lakchhuah sak a ni a. Pi Lalmalsawmai fanu tho Lalremruati pawh in hliam tenau a tuar bawk a. An ni bakah hian in hnuai zawk luah tu Pu Zaumawia leh a Fapa Vanlalhriata te pawhin hliam tenau an tawrh avangin Aizawl Civil Hospital-ah hruai an ni bawk. Nursery veng khawtlang chuan nilengin in chim thenfai hna an thawk nghal a. Nursery Branch YMA hruatu Pu Roneihthanga chuan vanduaina thlen dan hi hetiang hian Zonet a hrilh.