Covid-19 dona kawnga Bangladesh ramri ven chungchangah BSF ten YMA te an thawhpui thei lo chu an ngaithiam lo hle tih Lunglei Sub Hqrs YMA in an sawi.

0
390
views

Lunglei Sub Hqs YMA hi vawiin khan an thukhawm a, Covid-19 laka Mizoram himna turin Mizoram leh Bangladesh ramriah VLTF leh YCA te an duty \hin a, BSF 60 Battalion leh 131 Battalion te an duty bawk tih an sawi a. YCA te ngenna bawhzuuin YMA Khawthlangtuipui Group chuan ramri vengtute hi pui turin Thawhlehni khan ramriah an duty \an a. Heng Duty te hi BSF te hian thawhpui thei lovin Chawilung South Branch YMA duty te leh YCA duty te chu nizan khan an duty-na hmun a\angin an hawtir a ni an ti.

YMA Khawthlangtuipui Group hruaitute ramria duty tlawh tura vawiina kalte pawh BSF 131 Bn te hian Nunsury hmunah an lo dang leh tih Lunglei Sub Hqs YMA hian an sawi a, Ramri venghim tura zawk BSF ten, ram leh hnam him nana YMA duty te an thawhpui thei lo leh harsatna an siam zawk chu an hrethiam lo hle tih an sawi a. BSF te hian Bangladesh nena inluhpawhna atana la hman ruk reng, Fencing Gate No.14, 15 leh 16 inkarah YMA duty indah an phal lo chu hriatthiam har an ti hle tih an sawi.

YMA Sub Hqrs. Lunglei hian ram leh hnam him nana ramri venga duty hi chhunzawm zel an tum tih an sawi a, a lo dodaltute chu eng mi pawh nise hripui laka Mizoram himna tur a nih chuan a \ul dan ang leh an thiam dan angin an hmachhawn dawn tih an sawi.

Bangladesh ramri hrula duty ten harsatna an tawh thin leh an tawh mek chu a rang thei ang bera chingfel turin Mizoram sorkar an phut tih Lunglei Sub Hqs YMA hian an sawi a, ramri hungna hnuai culvert kua, ram dang miten Mizoram luh pawh nana an hman \hin, Lunglei District leh Lawngtlai District huam chhunga mi te, tun thlenga hung pin a la ni lo chu an ngaihmawh thu pawh an sawi a, an ngenna hian awmzia a nei lo a nih chuan ramri vengtu YMA member duty te chu koh kir an ni ang tih an sawi a, Bangladesh ramri a\anga hripui laka Mizoram a lo him ta lo a nih chuan a mawhphurtu nia hriatte chu na taka an dem tur thu an sawi.