Dan lova Mizorama lo lut, hnam dang mi 56 Kolasib Sub Headquarters YMA Kumpuan Committee-in thawn kir

0
443
views

Kolasib Sub Headquarters YMA hnuaia Kumpuan Committee-in dan lova Mizorama lo lut, hnam dang mi 56 manin vawiin khan an thawn kir. Heng mite hi ILP emaw, Mizorama luhna tura temporary permit emaw pawh nei lo an ni a, Assam ramri thleng an hruai a ni. Sub Hqrs. YMA Kumpuan Committee member-te hian Bagha tlawh nghalin Bagha-a Young Men Association hruaitute an hmu nghal a, ruihhlo do chungchanga tan lak dan tur leh hmeichhe awm tha duh lo, Bagha vela khawsa te chungchanga tan lak dan tur an sawiho bawk a ni. Kolasib Sub Hqrs. YMA hruaitute hian Vairengte Joint YMA hruaitute leh Serlui Group YMA hruaitute pawh kumpuan bawhzui kawnga chak zawka hnathawh dan tur an sawipui bawk a, North Chhimluang khuaa rakzu litre 30 chuang an man chu khawtlang hruaitute nena tanghovin an leih bua a ni.