Fakselna (10th August, 2017)

0
758
views

Khawzawl leh Saitual ten district thar an ngiat mek a, sorkar tan pawh a luhai thlak viau ang le. An pek vaih chuan Hnahthial pawh pek tel ngei a ngai ang a, ngaihtuahna a titam ngawt ang le. Chan tawka lungawi a har a nih hi maw le. Tun dinhmunah chuan district 8 hi kan ram tan chuan a tawk viauin ka hria.
Valpuia Bawitlung, Chawngtui East
——————

Kum chanve a liam ta, tun thlengin kan faten Hindi an zir thei lo, sorkarin Hindi teacher a dah thei lo a nih chuan Hindi subject hi telh tawh lo law law rawh se.
Sangtea pa
——————–

Fakselna hi a va tha tak em, kan chhut dik loh pawh min lo tih dik sak zel a. PRISM hi an thil tum leh an hnathawh hi kan lo ngaÏhsan tehlul vei nen Pathian rawngbawlna ropui tak niin kan lo ngai a, chuvang chuan member-ah pawh kan lo inpe a, mahse tunah chuan lal thutthleng an chuh ve ta tlat mai a, chuvang chuan PRISM member atang hian kan bang ta tih kan puang e.
Seling khawpa ngat
——————-

Tukin Vanglaini a “MIZO NUN ZEMAWI” Pu Sanglura Sailo ziah kha a tha lutuk, mi zawng zawngin chhiar theih ni se a duhawm hle. YMA leh tlawmngai pawl dangte hian a thusawite tihlawhtlingin uar takin kalpui chi a va ni em.
LR Kawlni
—————–

Congress hian anmahni inhre chiang sela chu 2018 MLA inthlan hunah hian thawhpui tur an zawng ngei ngei ang.
Serchhip pa
—————-

MNF ho-in 2018 inthlan hunah an mawng an hlim leh dawn. Mipui hnena dawt an puan nasat zia a lang chiang leh dawn.
Chhutdika
—————–

Kum 2018 Election chu BJP sorkar tir ve mai a tha lo maw? Congress pawh Hindu zawm tho an ni a, eng nge a danglamna. Hmasawn kan duh ta rau rau bawk a. Kalkawng siama hnatlan te hi a tlem phah mahna.
Tlawngthlang pa
—————–

NLUP Industry Dept. hnuai a 4th phase dawngtute hian kan la dawng ve mang lo a, hei hi an titawp ta mai nge, an va reh rei ta ve. “Min thlantlin chuan” an ti a, cheng nuai khat an ti a, hei hi chu a thlawn pawh a ni lo, keinin sorkarna kan pe a, annin nuai khat min tiam ang hi chu min pe ve tur a ni dawn lo’m ni? An bat a ni. A nih loh chuan election leh chu vote a tla tawh lo chiang khawp ang.
9615174245
—————–

NLUP hi fakmawi chawp deuh zawng a ngai a ni, a hmuchhuaktu pa ka atang lo hi chuan a fakawmna kan hre ngai lo em mai.
RK Sanga
—————

PRISM Election Manifesto, 2018 kha ka lo thlir ve a, a tha khawp mai. A tak thleng atan pawh ka duh khawp mai. Vote hnih han nei ila chuan ka vote ngei ang. Amaherawh chu vote khat chauh ka nei si a.
RODY PA
—————-

Uitang rualho chuan min va rawn bauh nasa ve le? Nia, a dik a lawm. Chakma ho huangtau phah theihna tura thiltih te chu ka duh teuh lo mai. Ka tihsualah ngaihdam ka dil e. MNF ho khan Bangladesh atanga an lo chhuah dawn khan an naute hnenah khan Air bus-a khawvel fanpui kha an tiamin ka lo hre thawi thuak a. An nei ni hmiang ka lo timai a sin le? An lo nei lo chu a pawi hle mai. Congress party ho pawh hi Chakma ho nen Mizo mipuite hi kum tin hian kan buai ziah a. Ram leh Mizo mipui thlavang hauh hian an aw-ka an chhuah loh chu thu hran. An hre ve ngai miah lo emaw tih tur hian an khawsa ziah hi chu ka tithei thak lo. Thudang daih. Tun tum party hrang hrangten an inzawrhna thu leh hla hi Thangkura leh Zohawpi sikeisen campaign te pawh kha a ang dawn dawn inti ve em?
Tlangvala
—————-

Tunlai Mizorama thil tha lo tak leh sel ngai tak chu, kan sorkar lamin ‘RUIH THEIH’ thu hmang duh lova, ‘RUIHHLO’ thu ringawt a hmang hi a ni. Zu hi Kristian te duh loh leh kan do tlat a nih laia, zu do tel lo zawng leh a hel zawnga damdawi (Drugs) a do ta vak leh meizial zu te a do ta daih hi thil dik a ni lo. Zu pawh hi do teh se. Kan NGO te, CYMA lam tal hian ‘RUIHTHEIH’ tih thu hmang hian, zu hi do tel zel rawh se. Hetiang bawk hian, sorkara chhiah awl duh avanga mahni sumdawnna thup nana Football lam thu phochuah tak daih te pawh hi tih chi a ni lo. Mi chinchang hre tak tak hi an tam tawh a nia. Thuruk nei reng renga nunkhua hman hi a tha ngai lo ve.
PH FANAI
——————-

Thil nuizakthlak tak a ni. Heti khawp a Zoram min sawp hnuah pawh kan CM khan ruihhlo ngaite tan a mithiam te ziah, lehkhabu an ziah kha zu tlangzarh a! Kan sorkar hian thalai tam tak min suat hnuah pawh zak map lo hian an la awm ngam nia. YMA leh Kohhran tangkawp ruihhlo dote kha a la sawi tel zui. Mi hma-ah mahni mawng hlim mai mai an ni. Hremhmun ai kaih, setana tilawmtu mai mai. Ruihhlo zuar kan man dawn chuan a zuartu, kan sorkar hi man hmasa ila, chuan kan Zoram hi a nuam mai ang. Zoram nuam siam turin KOHHRAN, YMA leh NGO hrang hrangte khan tan han la teh u.
MS PACHUAU
——————

Tlabung CHC-ah RSBY hnuai a retheite damdawi in awmna BPL family te bill za tam tak chhuak thei lo va kum a vei tep laiin mi 40-te bill erawh a chhuak a, mi tamtak bill erawh a bo leh dawn ta a ang leh tlat. Hei hi engvang nge? Sorkar hian duhsak a thlan bik a nei a va ang ve.
8732079803
—————

I chatuan hmun tur chu khawiah nge a awm? I duh i thlang fel tawh em? Chatuan hi a rei dawn a nia.
Angaihtei Lungsum
—————–