Fakselna 11th December 2017

0
833
views

Hman deuh laia TV-a zai \hin Vanhlupuii, Vanlalruati, RTC, Daduhi, Ruotmawii te hunah kha chuan an hla sak ri mawi kha a NGAIHNAWM avangin beng kan dawh \hin kha a ni a. Tunlai zaithiam zaiah hi chuan MIT a tlai tlat a nih thung hi! Drama chhuahte pawh ang zaw mah mahin ka hria. Hla pakhat sak chhungin hmun 10 dawn dawnah an insawn mai lehnghal a.
CHHUANLIANA, BVT
—————

Presbyterian Kohhran Synod chuan secular college din an rel maw? Secular college-ah chuan evolution theory (zawng thlah kan ni) an zir ang.
Kei Pathian siam ngat
—————-

7th Pay chungchang Fakselna ka lo thlir a, Mizoram hian 7th Pay an hman ve hun tur hi nghakhlel takin ka lo thlir ve \hin. Kan in chhungah hian sawrkar hna thawk kan awm lova, 7th Pay an hman hun chuan keini mi hnuaia inhlawhna a tam ang a, kut hnathawkte thar chhuah hralhna a tam ang a, khawlaia inphote leh sumdawng tan inhralh a nuam bawk ang. Sawrkar hnathawkte hnena pawisa a tam chuan thawk ve lo tan ei leh bar kan awlsam phah dawn a ni. Mizoram mipuite hmakhaw ngaiin kan sawrkar hian 7th PAY hi sawrkar hnathawk te pe thuai se a lawmawm ngawt ang.
8974901219
—————

Ram hruaituah hian tehna ka lo nei ve \hin a, MNF leh Congress-in ram ralmuang berah term hnih kum 10 ve ve min han enkawl a. State hnufum berah min la hnutchhiah zui hi chu rilru a na tawp. Pu ber thusawi lah hmathlir \ha, mi han hruai tumna lam hawi ngaihthlak tur a awm lo. MNF demna leh mahni infakna lam hawi a ni ber, beidawnthlak ka ti. MNF ni se an mi leh tlemte pawh an tilungawi thei lova, ram enkawl hnaah chuan an fail ve ve-in ka hria.
RK Sanga
————

Hei le, kum thar kan hnaih tawh hle mai le, inthlan kan hmachhawn leh dawn. Tu tak tling leh tak maw? Tuna min kaihruaitu Congress party lah tumah kan ring tawh lo, MNF lah kum kha leh chen min kaihruai tawh, engmah lo mai an ni. Tunge Zoram hmangaihtu tur lo ding chhuak ta ang le? Kan la chhin loh ZMP hi in va reh ve? Ram mipuite hian kan au che. Zoram tlu chhe mek hi tungding leh turin kan au che. Kan ram hi a sawprawp mek a nih hi. Congress zu zuar kan ning, kan \halai suattu, nu pa in\hendarh tirtu, mi ang lova min siamtu Congress hi kan ning tawh a ni. MNF mahni sawi anga awm ngai lo, mahni party chauh hmangaih, \awngkama mi bum hmang, Pathian thu leh politics tuinu luan kawptir tum, kan ram hi a dam zo lovang. Hetiang ho hian kan ram hi hruai suh se. Kan ram hian kan mamawh lova, chirh uihah kan táng duh tawh lo, hmangaihtu auvin Zoram kan tuihal e.
MS PACHUAU
—————-

Sorkarin ZU an zawrhtir ho hi tuna a\ang hian khartir tawh se a \ha lo maw? Krismas dawn \epa khar hi chu a tlai ka ti deuh. A in mi hovin an lo inla khawl a, thingtlang khawte takteah pawh kan buaipui mut mut mai zel a, Krismas lam kan hawi hman lo a ni ber mai. Inrawk, insual etc. a tam duh si a, zu in phal a ni a, ruih phal a ni lo an ti tak na a, a in ho hi chu an rui deuh zel si a.
Ruatdiki pu
————–

Mizoramin kan ram hruaitu tur kan thlang leh dawn chu a ni a. Beng sika kan ngaihtuah ngun a ngai dawn tawh hle hlawm mai. Kan vuivai nasa thei hlawm si a. Kan ram hruai tur chuan mi dik dawt sawi ngai lo, Pathian \ih mi, dikna duh mi, thil ti mai mai lo mi, ei ru ve ngai lo mi an ni tur a ni. Chuti lo zawng ngai kan awh reng mai ang. Chuvangin nawmsak kan duh tlan chuan kan vote turah i fimkhur tlang tawh teh ang u.
No. thup
———–

Lunglei District-ah hian ram buaia MNF sipai thi, Zakunga Lunglei, Siamkima Rangte, Thangliana Punte Tlabung, Kapthanga Tlabung, Chawimawia leh Chalkunga Lungsen te hi tuna Pansuri bul, Bekabekia Chakma khuaah Sipaiten kap hlumin silaite an laksak nia hriat a ni a, Tuisenchhuah leh Tleu khuaah te pawh an la awm nual nia hriat a ni bawk. |hang lo thar zel tur, Zofate tana kawng lo sialtute leh rambuai vanga ram leh hnam tana hrehawm lo tuartu zawng zawng te, kan tuarna te a thlawna a chan mai loh nan hma la theitu sorkar ding ngei turin Lalpan Zoram hi malsawm rawh se.
Hnam Arsi hruaitu, ZORAM SAKEI
—————-

EVM rigging special an man ta hi lawmawm ka ti. Pu Chhuawn\huama erawh ka lainat. Pu Rama pawh khan thu tak emaw a lo ti hman.
9862383205
————–

ZNP hian mipui rin leh beisei a hlawh mek zel. Thingtlang lam pawhin kan lo thlir mek che u a nia.
8730099759
—————

Voting Machine vote rigging Mizo Phantom chu thudik kan hre ta a. 2nd Phantom Hriata, Pu Hawla in Kolkatta pawh hi eng ruai a nih ka ring ta lo.
VL Ruata
———-