Fakselna 11th May, 2020

0
94
views

Congress MLA pakhat hian a drama chan hi ti tawp tawh rawh se, hun harsa kan tawh lai hi chuan \anrual a hun. Kan sorkar hi duhthusam chu a ni lo ang mahse ram tan eng nge ka tih theih kan tih tlan hun a ni dawn lo’m ni? Pu Lalduhoma ang hian hun harsaah chuan sorkar hi thlawp ve phawt mai teh.
Ruatruata Pa

98623 65847

Sorkar thuneitute hian sorkar hnathawk hlawhte hi cut lo hram teh se. Kan damlo neih chhun pawh a chhuak tawh bawk nen, hna hnuai thawkte hlawh hi sawrfu leh tur zual tur pawh a awm tawh lo. Tui bill, electric bill, cable bill engkim a double-a pek vek a ngai bawk nen, bank-a loan puk pawh thla thum chhung min ngaih hna thiama, kan sorkar berin pek tur a tih a pe lo bik nih hi nakinah action awm a hlauhawm bawk si, kan buai ru a ni. Tin, private sikul hian zirtirna an pek miah loh fee hi chu khawn miah suh se, sikul siamtute mawhphurhna zawk a ni.
The Carbon

70052 82270

Thu kal lam leh haw lam a kawi su rut-a hre mang si lova rawn thlasik ni kang mau puah leh phawng phawng \hin hi i sim teh ang u. Sorkar hnathawkte hian Covid-19 dona atan an hlawh hi an phal loh thu reng reng an sawi lo. A eng amah hmaa hri lengte pawh reh ve thut thei a nih laia kumin chhung hlawh in cut sak nghal ringawt hi a ni an sawi. |henkhat office te phei chuan an ni khat hlawhte pawh an lo pe thlip thlep tawh a, mi tam takin an veng chhungah te pawh an lo luang chhuak ngei nguai tawh bawk. A bawp lawk leh tan bun lehlam chauh hi chu i sawi tawh lovang u. A thu ziktluak hre chungin thu sawi hram hram i tum tawh teh ang u khai. Sorkar hnathawkten he hri leng atan an ni khat hlawh \heuh pawh thawh se a tam dawn tehlul nen ar chuka tui lo khawpin kan chhuah mai dawn a lo’m le. |henkhat lahin kan lo thawk ve tawh mai ang an lo ti rawl vei bawk nen.
Pa Mawitea

98623 44897

Mipui sum tling khawm a\anga budget sum suasamtu politician-ho harh teh se. “Lak aiin pekin lukhawng a nei” tia kan pipute thurochhiah hi an ngaih pawimawh loh reng chuan HNAM BORAL kan ni ngei ngei dawn. Dawt hi sawi tawh suh se. Mi rethei rahbeh hi PATHIAN DONA A NI tih hriain ZONUNMAWI HI PATHIAN THU A NI tih i hre thar leh ang u.
Mr. Mipui

98623 61451

Covid-19 do kawngah hian kan sorkar hi a che \ha viau a, mahse a fimkhur hun kan thleng a kan zalen deuh lo maw? Dawr hawn hun tih tawi ni se, chhun lam hi inkharkhip leh deuh ila, hna erawh thawh theih tho bawk se. Aizawl Traffic tawt vanga intlanchhawk hian thingtlang hi min huam ve kher lo bawk teh se.

85753 07504

Bilkhawthlir leh Rengtekawn inkara kawng khuar thuk deuh deuh awm khu two wheeler te’n hmu lovin tlan lut sela thih theihna khawp tam tak a awm a, chutianga chetsualna leh thihna a thlen hma ngei hian kan sorkar chak tak hian siam hram se la kan va duh ve. Thil danga Department dang danga eirukna leh thil dik lo hi chu mipui hian kan hmu vek lo va, kawngpui chhia kher hi chuan sorkar lai chak leh chak loh hi a pholang chiang hle mai a, chuvangin a rang lama hmalak ni se a lawmawm hle ang.
John-a Pa

98621 57539

Veng \henkhatah an veng chhunga hnam dang awm te ID Card an siam sak hi a \ha ngawt mai. Check zeuh zeuh bawk se, lo lut thar awm leh awm loh hriat nan a \angkai dawn bawk si.

70858 45905

Inkharkhip kalpui reng chung siin khawlai leh bazar velah kan zi nuaih nuaih a mahse, Biak Ina inkhawm kan la khap bur bawk si. Keini inkhawm ngai vak lo tan pawh Biak In dar ri leh khuang rite hi rimawi a ni ve tho a sin le. Pathian fak leh chawimawi avanga hri kan lo kai palh a nih paw’n eng nge a pawina awm chuang? Biak Ina kan kai aiin khawlaia kan chhuah vahna a\ang hian hri kai a hlauhawm zawkin ka hria. Inkhawm leh khawhar lenpui kan khap aiin ram dang a\anga rawn lut tur hi ngawrh zawkin veng ila chu chu kan himpui zawk ka ring tlat a ni.
Chhaktiang Keite

76279 14601

Vairengte gate-ah permit nei motor tam tak an rawn chhuak chho zut zut mai. Aizawl, Lunglei adt. Covid-19 positive in lo awm a nih pawhin Vairengte hi rawn dem chi a ni lovang. Thuneitu sanga a\anga nitin mamawh ni lo phur motor permit pek vang a ni ang. Gate-ah hian ni engemawzat lo dan din tir duh mah ila awmzia a nei lo. Coronavirus hri vei, Mizoram state \henawmah nitin an pung zel bawk si nen, essential commodities chang ni lo, non essential commodities phur tam tak nitin an chho zut zut reng mai hi Special Permit pe theitu hian tihtawp rih se a \ha viau lo’ng maw? Covid-19 p<l hri lo luhna kawng zau taka hawn huau reng siin hmun kilkhawr leh chengkerah VLTF/Police Force te, thosi leh vangvat, vaihmite karah zan mutmu pawh tuah thei lovin an duty tho si karah kawngpui zau taka hawn renga motor nitina chhuka chhova an tlan zur zur theih reng tho chuan ngun taka ngaituahna sengtu tan chuan ngaihtuah a ti thui a, rilru a na na vawng vawng mai \hin a sin.

70052 51641

Pu Zonet India rama Covid-19 vei phung sual ang maiin an pung tual tual mai sia, he kan ram zimte hi kan chhanhim thei ang em le? Inkharkhip thawh 3-na lah chu kan hmang zo ruai chu a ni si a, a va buaithlak dawn em. Kan inthlahdul hret hret lai hian he hripui hian min tuam thut mai ang tih a hlauhawm takzet a ni. Chuvangin hei aia khirh leh nasa zawka hmalak leh hi \ha inti ve lo maw? Thuneitu lamte pawh khan han ngaihtuah nawn leh teh u kan ram a lo him theih nan.
Hlutei pu, Tualpui

98565 36040

Covid-19 leng mekah kan sorkar hian state pawn/ ram pawna kan ram mi leh sa awmte hruai haw an tum leh mek hi thil lawmawm tak angin lang mahse thil him lo tak a ni. USA, India, UK, Germany, Brazil, Spain adt. pawh a hma chuan tuma’n Covid-19 hi an kai bik lo. Mahse, ramdang hrilenna hmuna a\anga an hruai haw te a\angin an kai zawk a nih kha. Chuvangin kan sorkar hi fimkhur viau rawh se. Heng kan mi leh sa ram pawna awmte hruai haw kher lov hian an awmna hmunah \ha takin enkawl dan ngaihtuah zawk rawh se.
Ramveitu

97747 54394

Tunlaia thusawi chu Covid-19 kaihhnawih a ni zel mai. Mihring phur chi lirthei hi sawi ve leh vak ang. Taxi hi mi pahnih an phurh tir a, ke pahnih nei hi a ngaiin a kal a, taxi hian a hnungah hian mi pahnih phur thei se a dik zawk. Two wheeler-ah hian inngheng rengin an chuang a, taxi-a seat hnunga mi pahnih phurh hi a him fe zawk. A chuan man thleng hian ngaihtuah ngun ngai tak a ni. Entirna pakhat sawi zauh ang. Armed veng a\anga Bazar hi mi pakhat tan ₹30 a ni a, \hutna luah vekin ₹ 120 an hmu \hin. Mi pahnih chauh an nih chuan ₹60 ve ve chawi a ngai. Mi pathum an nih chuan ₹ 40 \heuhin an kal thei ang. |ampui kan hmachhawn dawn laia pawisa renchem ngai bawk nen, mihring phur chi lirthei ho chuan man hi thuneitute hian enfiah vat teh se. Remchangah helam hi ka sawi leh ang.

94363 92544

Pu Zonet Covid-19 hripui laka inven uluk kan ngaih viau lai hian fimkhur beihpuithlak a va ngai tehlul em!! A bikin veng tina vai Mizorama awm kan in luahtute hi uluk taka check an ngai a ni. Kan \henawm State te laka kan inven \hat phawt chuan kan him thei zel chuan ka ring \hin. Vai mikhual khaw tinah hian an awm leh zeuh \hin niin a lang a, in sa tura kan duh luatah mikhual duhawm lo tak kan thleng rup palh thei reng tih hi vawn nun reng a \ha a ni. Vai motor-ah hian passenger a ruka inthukrute pawh an lo awm thei reng mai. Tun dinhmunah chuan ENGA kan tihpui theih loh te lakah inthiarfihlim thiam a \ul. Kan vai chhawr haw thla ta te hian rawn chhoh leh dan kawng an zawng reng a, khu lamah harsa te te an nih avangin Zoram hi an tan Kanan a ni miau a ni. Vengt ina kan LLTF te leh YMA hruaitute lam hian vai in luahte han luh chhuah leh pawh hi a hma zawng ai khan a hun cher cher viau bawk a ni. Tihdam aiin inven a \ha zawk tih hi nitina kan thuvawn ni fo rawh se.
Serlui Pachuau

87874 87887

Zonet chanchin thara puan, State dang a\anga sorkar hriatpui loh (haw ru, a ruka haw) te kha insual ka ti hle mai. A chhan a awm ngei ang a, Mizo mipuite hi min han hrilh teh u. Eng nge ni 14 lek inkhunghran chu inhreh em em!
Mizo him loh hlauva ramria zan pawh mu lova duty te hi inzah thlawt lo a ni maw? Positive lo awm ta ula, a chhe ber pawh thleng ula, mi’n an “Amen” sak ang che u tih a va hlauhawm ve. Mi 150 chuang lai inni leh nghala. Tunah hian nangmahni avang hian Zoram a ral\i a sin.

8837230997

Ram pum inkharkhip hun remchanga hmanga mahni rama thar ngei, tun hmaa Rs.20/-a an hralh \hin, Rs.50/- te an chhiar ta mai hi chu Pathian thuawih zia leh Mizo zia ni lovin Setana thuawih zia a va han ni chiang tak em. Hetiang zela kan kal chuan he Covid-19 hi min hremna hmanraw \ihbaiawm berah a chang ngei ang tih a va hlauhawm ve aw. Hetianga zuar/hralhtu leh a leitute hi thuhmun reng, Pathian huat thu sawi kan ni mai lo ang maw Mizoram mipuite u? 9774373679

|henawm phai vai ho nen hian kan inchiahpiah leh viau tawh niin an sawi a, tak tak a nih ngai chuan kan khaw lo vek mai ang tih a va hlauhawm ve le. Hun engemawchen chu la inchiahpiah lo thei ila a \ha lo maw? An tel lovin awm theih rih tum a va \ha dawn em!!!

8837489511

Covid-19 laka kan him theih nana hma latu Tlabung YMA te BSF ten buaina an lo siamsak hi eng nge a chhan? Khawvelah mi nuai 2 chuang an thi tawh a, Bangladesh-ah pawh hri vei an pun zel lai leh Foreigner-te hriat theih nana Doctorte hmalakna Paritos Chakma hnam inthliarna tia Central-a zualkote, Tripura ramri depa Chakma ten police-te an sawisak hrep hnuah Central-a a ni lo zawnga an zualko zel maite hi ram himna tiderthawngtu Chakmate hi kan rama awm atan kan duh lo va, kan do tlat a, hmalak pawh kan tum zel dawn bawk a ni tih hi Fakselna kaltlangin kan han hriattir a ni e.
Tlabung Uitangrual

9862014844

Pu Zodintluanga hi kum 10 minister lo ni tawh kha a ni lo’m ni? A hausa hle awm si a. A thu hrimin Congrees party pawh hi hmanni lawka tla chauh kha an ni sia, hripui leng vanga harsatna tawkte chhawmdawlna turte chu sorkarin a phut ve kher ngai lovin a tir a\anga ri vat vat tawh awm zawk tak. Engtikah mah sorkar dinglai hian sorkar \anpui ve tur hian a phut ngai lovang tih te chu a hrechiang hlei hlei an ni awm sia, a verther thlak lu mah ka ti. Pu Dintluanga pawh hian dem tur ngawt dap dap lovin a ma mimal thil phalna te pawh show ve tawh zawk se, amah pawh a hlim sawtin ka lo zu ring ve em em a.
Tlangvala

9862349117

Assembly Speaker, Pu Lalrinliana Sailovin MLA-te sum hlawh cut chungchanga Pu Zodintluanga a sawinaah khan Pu Zodindintluanga kha ka lo thiam lo hman \ep laiin a tawp lama MLA 34 a\angin 5-ah an tla thla a, sawi tur an van em a ni a ti zui leh kher khan ka ngaihdan a tidanglam lehnghal a, MLA 5-a tlak thlak rem lo chunga a zep tel leh \alh kha a hun lo ka ti khawp mai.
No. thup

8413032247

Thingsai khua chu electric bill kan chawi tam ngang mai, tih dan a awm lo maw?

7085135835