Fakselna 14th September, 2019

0
507
views

Mau… Mau… Mau.. tia eng ramsa hram dan emaw ang maia pachang engemaw lai tawlh thla diai tawh hram leu leu reng ringawt hi chuan khawiah ram ropui min va thlen lek suh. Pachang dawtsawi hmang pahnihin he ram khawngaihthlak tak hi an inenkawl chhawk a, pawi tak a ni. Bairabi Zophai hmuna kan ram sah hek a nih mekte khu rilru leh thinlung takin vei ve se Mizote hian kan ngaisang zawk fe ang. Kan ram hian a tawrhphah a nih vaih chuan aw.
Tlangvala

9862349117

Kan sorkar hrawn tawh leh hrawn mek te in inenfiah a ngai. Ruihtheihthil vangin kan \halaite an thi nasa, police te meuh pawh an thi tam lua e. He thil do tur hian langsar taka indo thawm hriat a hun tawh takzet. YMA te langsar tawh lovin, khawi ramah pawh ram tana \ha lo do kawngah sorkar a lansarh zel hi.
RK Sanga

9862366590

SEDP sum neih theihna kawng an hawng leh ta. Entirnan lirthei ke hnih nei khalhtuin lukhum khum loh avanga cheng za chawi \hin khan cheng sang khat thleng chawi a ngai tawh mai dawn a lawm, kan hre thiam mai ang chu maw? Central lama tla tlum inti pawh an hlawhchham ve thei tih kan hre ta. Raltlante chu hruai kir ula, tichuan rei rial ngai lovin Mizote hi kan ram a ta hi min um chhuak mai dawn a lawm. Tin, sorkar hian lirthei chungchang hi eng tiang takin kalpui zel ang maw? Lirthei tax pakhat lo pek theihnghilh avanga man ten sum an chawi tur chu khawiah tak kal ang maw, lo thlir phawt teh ang.
Beidawnga

8118904367

Pu Zonet in channel ho hi a tawp chut chut vek mai a, a tih \hat dan hi a awm lo em mi? Chanchin thar puan te hi kan lo nghahhlelh \hin nen eng nge an puan pawh kan hre mumal thei lo a nih tak hi. A tih \hat dan hi a awm em?

9862216410

YMA, MHIP khawpui leh thingtlang hmun hrang hranga Branch tin te \ha tak leh fel taka intih tur leh inhnathawh tawh te fel tak leh \ha taka in thawh ka beiseiin ka duhsak che u a, tluang taka Lal Isua duh dan anga remna siam zel turin duhsakna ka hlan a che u. Chutihrualin Central YMA, MHIP hruaitute hi sawi sawp an hlawh reng mai erawh ngaihtuah tham a awm. Lui pawh a hnar a nut chuan a mawng lam a ti nu \hin si a.
PAVALAI

8014499153

Zoram kuthnathawktute kan intodelh a, kan lo dinchhuah ve na tur atana kan sorkarin raw chin a sawi mawi fo mai hi chu a intham loh thlak ta hle-in ka hria. A buaipuina tur atana a kawng thui zia hi kan hmu lovin a hre lo rual chu kan ni bik hauh lo.
Hetiang thil risky lutuk te ai hi chuan Avocado/Butter fruit kan tih mai, kan rama \ha duh leh rah duh em em mai, ramdanga to si angte hi min chin tirin min buaipui tir sela, a market min zawn sakin Cold storage hmun tinah siam se, Foreign thlengin kan thawn chhuak hum hum mai tur a nia. Mahse, kan dinchhuah tak takna tur ai hi chuan anmahni’n hlawkna an tel ve nghal theihna tur hi an ngaihtuah ngar ngar mai a nih ber hi maw. “Cheng nuai 3 in tinin indawng dawn” tia an sawi lah chu an sawi ri duh der tawh si lo.
Hetianga kan retheihna denchhena dawt lutuk hmanga kan vote min rawn dil a, kan thlantlin hnua min hawisan leh chingtute khawsa zia han hmuh hi chuan kan dinchhuah ngei ngeina tur Policy nei, ZPM kan vote loh rah kan seng ka ti lo thei lo a ni. Fin phah nan kan hmang ve tawh dawn.

Thingtlang Pa

9366630785

Zonet-a Bairabia Assam sorkarin an police-te an dah dan ka hmuh chuan kan sorkar hian a rang lamin Armed Police company thum tal dah ve se ka ti. An chen nan PWD-in barrack sa vat sela, Power Department-in electric connection, PHE-in tui connection, Horticulture Department-in landscaping. Hetianga Department hrang hrang thawhho theihna turin alawm Chief Secretary te kan neih. Tumna a awm chuan a theih lutuk.
Police ho hian a rualin van lam hawiin silai kap rual \hawt \hawt fo sela, khawng tawkin mosque pelin march \hin sela, mosque sak titawp rawh u tia ngen fo a ngai miah lovang.

Ralte Bengchheng

8794659715

RSS volunteer 150 zet Chief Minister tuala an pungkhawm leh Memorandum an thehlut hre miah lo Mizoram Security adt. hi sorkar hian engtin nge a tih dawn? CM leh Minister te hi an va him awm lo ve.

Hruaia C Vanchiau

8974046940

Aids hlauhawmzia leh inven fimkhur \ulzia documentary kan en zo chiah a, CCTV faknaa nula ti tiu teu rawn kal zal zal han thilr zui hi chu thil inkawkalh tak a ni.

9862344396

Congress Ministry kha khuallian uar lutuk, hna thawk tlem tiin kan sel \hin a, tun MNF Ministry thla kua chauh la ni pawh hi khuallianin an hmanhlel ve tho mai.
Inteltual hi nuam kan ti tlang a nia nge.
LB-a pa

8414029478