Fakselna (15th August, 2017)

0
515
views

Hunpui leh hun pawimawh, I-Day angah te kan ram hruaituten thu vuvuk an sawi duah zel mai hi a khamawm zozai mang e. Hna an thawh thu sawi awm si lo, ‘hma lak tum mek’ a nih thu an sawi chamchi mai hi a khamawm takzet. A taka hna thawkin hma pawh la se ni tur.
8414883986
—————

Tunlai kan sawn tawh em em laia Lammuala Republic Day leh Independence Day kan lawm apianga Khuallian thusawi laia an hmel hliah chiaha Flag ngul a awm ziah hi chu a ngaimawhawm ve ngawt mai. Cameraman hian a sir hretah la ta se, thusawitu hmel hmuh a nuam ngei ang.
7005826311
—————

Vawiin I Day-a parade contingent march pass kha a hmuhnawm hle mai. Parade contingent-te hming rawn puangtu kha a aw a chhe deuh em a, tih leh hunah chuan tuna mi aia aw tha leh nalh deuh kha hman tawh ni se, ngaithlatute tan a man hla lehzual ang.
Keimah Theubema
————–

Saptawng a thiam tih avang ngawtin thupuangtu atan MIZO |AWNG THIAM MANG LO hi hmang tei vet suh u. MIZO kan nih hi.
8731000950
————–

Kan inti-politician thenkhat hi chuan Vanram aiin Chief Minister nih an ngai pawimawh daihin ka hmu. Pathianni ngai pawimawh lo te, bawng ngaisang party te an han lal a, chutiang pawl chu kan han ding ve kau mai a nia, kan thlarau a ngaihtuahawm mang e.
CHHUANLIANA, BVT
——————

New Capital Complex, Khatla lo awm ta mai atang chauh pawh hian Mizoram CM la damte inthlauhzia hi a lang reng a ni lawm maw ni le? Pakhat hi zawngin hming thlak/hmun sawn/awm sa sem/MOU siam tih vel hi a buaipui tawk a ni e. Ani kutah hi zawng hmasawn chu sawi loh, a awm sa pawh hian an nih tur ang an ni phak lo fai vek a nih hi maw! Heti chung pawha kan harh lo a nih chuan tuar tlak kan ni e.
Thlirtu
——————

India Independence Day ropui takin i lawm ang u. India kan zawm vawi hnihna, Pu Denga ziahna pawh kum 30 a ni ta. Indian kan ni, China, Myanmar, Korea, Thailand mi kan ni lo. Indian dik tak kan ni e. BJP erawh kan ni lo.
Malsawma pa
—————-

Kan ram vanduaina chhan ber chu hengte hi a ni. Sorkar dawih lutuk kan hrawn a, eiru leh misual hrem tha ngam lo. Kohhran ho ni se member-a thahnemngai, thununna khauh lek ngam lo hlir. Zu zawrhin a ken, MLTP dan lekkawh leh si loh. Zu leh drugs hluarna ram, hemiin a ken, sex thlahdahna, he miin a ken leh chhawn HIV/AIDS darh ta chum chum hi a ni. Discipline khauh na tawk kan neih loh chuan kan ral th<m mai ang.
RK Sanga
————

Nizan Fakselnaa Pu Zorama’n nuai 3 kan sem ang a ti si a, Pu Thangtea’n kan sem dawn lo a ti bawk si a tia rawn sawitu khan ni e, i sawi dik khawp mai. Mahse, Pu Zorama sawi hun kha chu SEDP zir chian hma thu a ni a, tuna Pu Thangtea sawi te hi chu an zir chian tawh hnu a ni. A thlukah i buai mai mai a ni. Buhfai man tlawma lei theihte leh a tawpa Zopa hrawka luhtir ringawt hi kan tum ve lo, ram leh hnam din chhuahnaa bul min tan sak theitu hi a ni kan mamawh ber zawk chu.
Tlabung Uitangrual
—————–

Ram hruaitu lo ni tawh zawng zawngte mipui hmaa kan thu lo sawi tawh thin dante leh kan lo inzirtir dan thinte i inngaihtuah nawn theuh teh ang u. Politician zawngte mipuite hnenah hian zirtirna dik kan inzirtir thin em le? Kan lal duh luat avang hian kan sawi loh tur tam tak kan awih thin avangte hian kan ram hi kan changkan loh phah nite hian ka hre thin a ni. Hawh teh u, fimkhur takin thu i sawi thin tawh ang u.
Western Mizoram
————-

Tunlai chu District demand lam a ri nasa leh khawp mai. Khawzawlin District demand an duh a, total bandh an nei a. Chutiang angin Saitualin Total bandh an nei bawk a, Independence day-ah lehnghal. Hnahthial ve erawh chu an la ngawi tlat mai. Hetiang a nih hi chuan a tha lo tawp ang. |angrualin emaw, a huhovin emaw total bandh nei ho ta se, tiam chin awm lovin a tha tur a nia.
Mizoram hmangaihtu, H.Pachuau
—————-

Nakkum inthlan chu tawngka ringawta Pathian nung bia ni lova, a tak taka Pathian nung bia, mipui hmaa fel awm taka langa, thil tha tih chhun sawi zut zut lem lo kan thlang chhuak thiam tawh em ang chu maw. Kan politician ho Ball hi ngun takin enin i zir teh ang u. Kan Pathian duhzawngin ram an kaihruai em? A ram mipuite pawhin fak tlak fak ila, sel tur sel bawk ila, ram nuam Party sorkar ni lo, mi zawng zawng sorkar vote chhuak teh ang u.
Dindini pu
—————

Kum 2018 inthlan thianghlim taka neih a nih theih nan Synod hma laknain Crusade nen hma lak mup mup a ni mek a, a lawmawmin a ropui ka ti. Mahse, thianghlim takin inthlang mah ila, kan thlan chhuahte an thianghlim leh si loh chuan ram hmasawnna a tlem tial tial ang a, ram thanmawhbawk leh Pathian anchhia kan dawn tur a lian tial tial mai dawn chu a ni si a.
Samlukhai pa
—————-

Keini Tuikum bial ve zet hi zawng oppostion bial tih takah INDIA INDEPENDENT hma loh chuan Ration (VAIBUH) pawh kan la ve thei ngai lo a nih hi. Chumi hma chu kan lo innghei riltamin kan r^wp ang a. An independent zawhah dul hmul khat phuar leh pumpui vawng luahin kan nuih sang anga a ni tawh mai, enge mi Independence day lawm ve te.
No.thup
————-