Fakselna 15th November, 2019

0
90
views

Tunlai chu chanchin tharah te ram leh hnam humhalh a ri reng mai a, check gate-ah 7,000 – 8,000 vel ni tin an lut a, check gate lova a ruka lut nen sing khat vel chu ni tin VAI kan ramah lo lut ang vel a ni ang chu. Eng atan nge kan tih zozai le? Ramri an rawn sawn reng bawk nen. Mizo driver hmasa Zamlubuka te hunlai chuan ramri ban tar te hi Silchar-ah an motor-in an phur thla a, Silchar khawlaiah an phun ngam a nia. Kan ram chhungah kan in leh lo a hnathawk tur hian tuma’n chhawr lo ila, anni thawh ai chuan kan ram a nih angin pi leh pute sulhnu r^p in (di leh mau) in nupui fanaute nena chenna tur chu mahni kut ngeiin sa ve mai ila, Pathian malsawmna chu a sur hian a sur mai ang. Kan Pathian Biak In satu lah hi vai hlir vai hlir. Changkan kan tum luatah kan ram leh hnam kan ch^n zo dawn. Kan ram leh hnam kan chan zawh hma hian i harh ang u.
KALVARI LUI

87308 20304

Pu RK Lianzual-a’n khawvela thil thleng mak sak tak tak video nen lama min entir \hin hi a ngaihnawmin kan hriatna a ti zau \hin a, amah a hriatna a lo zau bawk nen, a ngaihawm bawk. A khat tawkin lo pe thei ula ka ti ngawt mai.
Dama, Pangzawl KBK

80140 07624

Mizoram zimte ramri pawh tifel thei lo sorkar kan hrawn rei lutuk hian ram leh hnam an hmangaih miah lo tih a tilang lutuk a, ram leh hnam veia hmangaihtu tan chuan rilru a na-in thinlung a dam thei mawlh lo. Fakselnaa Pavalai inti pa-in Mizoram ramri hi eng party sorkar mahin an tifel thei tawh lo a rawn tih phei kha chuan ka rilru a na-in ka thin a khei kher mai. Lo hria se ka duh, ramri hi chinfel theih a ni. Roreltute hian full power min pe se keipaw’n ka chingfel thei ang.

9612226314

Isuan in tan hmun siamin ka kal dawn hi a tia, kan nghak tlang \hap mai zawng a nih hi. Pu Rama kawng chhawng siam hun leh cheng nuai thum sem hun pawh i he lovin nghak \hap mai ang aw. Sawhthing hmanga min bum ang kha chu a ni em lo ang chu? Hla paw’n ‘Aw, nghak hram la phun nawi lovin’ a tih kha. Ram khat lal ve meuh a nia lawm le. Min bum leh tak leh vawi hnih min bumna a ni mai lawm. Sihal paw’n grape a lawh theih loh khan ‘eng nge pawi ang? Grape te chu a thur thur nen’ a tih kha. Keini paw’n Pu Rama a dawt theih theih nen kan ti ve mai ta lo’ng. Vawi khat chauh inthlang tur kan ni hleinem, chi dangin AR talh tum mai tur Sangsangi, Thlanmual Veng TD

8730841016

HIV/AIDS chungchangah hian kohhran aiin sorkar a harh chhuak hmasa a, MSACS hmangin \an an han la tak tak mai a, Condom hmanga he natna hi ven theih a nih thu uar taka sawi leh ziaka tarin kawng dung tluana tarin lirthei bangah te an han tar tak tak mai a; mahse Chung lam malsawm duh zawng a ni lo a ni ang. India ram state-ah AIDS vei tamna ber state kan ni, a zahthlak tawp. Mi sang chuang kan thi tawh chung hian eng kohhran pawl mah hian an khawmpui agenda-ah hian an la dah lo a ang. Manganpui kohhran thawm langsar tak hriat tur a la awm lo. Kohhran hote kan harh a ngai. Mahni pawla \hahnem kan ngaih tluk hian he natna do kawngah hian \hahnem ngai ila, Chung lam malsawmna kan dawng ang tih i hria ang u.
RK Sanga

9862366590

MHIP te hi hnam thlahpungtu, hnam tihming\ha tu hnam ti DAZAT theitu leh timualpho theitu an ni a, Mizohnam tan hian an pawimawhin an hlu a, Mizote hnam hnuk leh innghahna ber an ni. Thawh tur an ngah tehlul nen eng vanga heti tak maia buai reng mai nge an nih aw! Chuvangin thuneitute pawh hian Zofate tana an pawimawh zia hi hria-in dik taka rorelna kalpui ni se insiamrem thuai rawh se tih hi kan duhdan a ni.
Hnam Arsi hruaitu, ZORAM SAKEI

9862014844

Nursery Veng kawngpui kama lirthei dah \hin ho hi thuneitu lam khan rawn endik ve teh u. Hman ata tawh a chep reng mai. Veng tam zawk Local Council-in an veng chhung kawngpui sira lirthei dah, zan riak leh chhuna dah pawh strick taka hma an lak laiin an inthlahdah riau a nia. An veng chhung kawngpui hi a chep si, lirthei vei vak a tam ve tho si, line bus a la service bawk nen, kan tlai phah fo mai. Thuneitu lam ten hma rawn la teh u.
The Marshall

8730971087