Fakselna 16th July, 2018

0
462
views

Zoram buai kha Mizo mipui zawng zawng duhthusam leh cho chhuah a ni lo. Party pakhat thil tih a ni. Mahse, India sorkar khan a duh leh duh lo, a cho leh cho lo thliar hrang lovin min vai hma ta a nih kha. Khatih hunlai khan kan ramah Mizo union sorkar lai a nih kha. Chuvangin, inremna kan tih pawh hi India sorkar leh MNF te inremna tih hi a dik lohna a awm lo.
Ramtea, Mizo ngat
————-

Mizo tupawh ramri veitu leh zu \ha lo titu zawng zawngte u in bei tidawng mai lovin ram hruaitu thlanah fimkhur mai teh u. Chul rih hi chuan ringthar a tluk thei lo tih hi i hria \heuh ang u.
Siaha
————-

Congress ho hian NLUP leh NEDP hi an sawi vung tehlul nen Kohhran mipuite leh Pathian meuh pawh zah zo lova, a hlawk em vanga an zawrh luih tak, chhiah tlingkhawm ringawt pawh kum khatah vaibelchhe 30 vel tling thei tur anga an sawi ZU hi eng vanga ngawihbopui tlat bik nge an nih le? Bible-in “In rama thil \ha in ei ang” a tih ang hian kan thil ei ve \hin te hi Pathian malsawmna ni lovin, zu malsawmna mai, Pathian ngaiha thianghlim, thil \ha eitur kan neih loh vang nge, zu hi an tan engkimtithei pathian ang a nih avangin bahhnukte ang maiin an thukru tlat mai zawk em ni le?
Tlabung Uitangrual
————-

Eirukna kan haw tak tak a nih chuan enga tinge MNF hian Congress eirukna chauh invei a, inpute eirukna, court-a kal ngai hial khawpa lang chiang hi indem ve loh? Chutiang bawkin Congress pawh inni tho. Eirukna hi nangni party pahnih hi chuan inlo haw tak tak lo a nih hi. Inpute pahnih, eiruk thubuai nei ve ve te hi chuan Zoram thar min hruai thleng lul lovang. Pathian awm inring ve te a nih chuan Mizoram siam\hat duh tak taktu mi tlemte la awm te hi dawt hi chuan bei tawh lo hram teh u.
Hamle
————-

Thailand Tham Luang P<ka chhanchhuah tak te chanchin kha hriat zui a va chak awm ve. An \hat zel kan duhin kan beisei a, Pathianin awmpui zel rawh se.
Thenzawl pa
————-

Synod hian eng thusawi tur berin nge Revival Team-te hi a fehchhuah tir le? Politics rawng kai leh \an bik neia thusawi an ang. An \an loh party tan chuan ngaihthlak tur a awm lo. An \an ber ni awma lang party lah hi eng ruai an ni dawn si lo. Pathian thu tak sawi mai se a tawk mai lo maw.
8257065411
————-

Pu Hawla leh a hote hi an la invai vung theih chhung chuan kan ram riangte hian raltiang kai chu sawi loh, khua kan hawi vel ngam dawn lo hrim hrim. Mizo leh Mizoram pawi an sawi nasa lutuk. Tin, Tuikuk ho hi in 5,000 an tling thei lo bawk.
8257049372
————-

Mizoram leh India tihming\hatu Mizo Cardinal Choir ten khawvel huap zaipawl \ha inelnaa Silver an dawng pha hi ka va chhuangin ka va lawmpui tak em. An zai ka lo ngaithla ve zeuh zeuh tawh \hin a, an thiam zia leh an aw inchawih mawi zia ka hriatin he lawmman hi an phu hlein ka hria. An kal lehzelna turah duhsakna ka hlan e.
Jemato of Leitlangpui
————-

Nizan ka mumang roh chu min va ti hamhaih ve a. A engkhaw lawi lovin sorkarna a lo inthlak thut pek a. Party pakhat hi a lo lal ta em em mai a, a hma ami ai daih khan an lo lal ta zawk a. An hotupa chuan hmana min nuihzattute leh hmusittu ho kha tunah zet chuan tulthir rawh lin ngatin kan thil tlar tuar ang a, an mei hmawr a\anga an hmui chimawm zet thlenga khawro tuar khawpin kan rep chiau ve vawng vawng tawh ang a ti a, hmul thi ding sung sungin ka harh hlawl mai a. Kei chuan LALPA ka tel ve hauh lo tiraw tiin chunglam ka au nghal chul a. Hetiang mumang rapthlak tak angte hi chu kan ramah te zawng a thleng ve teuh lo em mai. Kan \awng\ai nasa si, piangthar lah kan rama leng tawh lo hiala mawi kan awm tawh a nia, inkhawm lah nise khawvelah kan inkhawm ngun ber hial ang chu. Eirua an puhte lah an han insawi tak tak zet hi chuan an aia \ha leh fel an lo awm reng reng lo. Vairama mi tur lek niin.
Tlangvala
————-

Vawiin 16.07.2018 Vanglaini chanchinbuah khan World Cup 18 champion France an nih thu front page-ah an rawn tarlang kuau mai kha chu a ho ka ti hle mai. Sports column an nei thova, chutah chuan an duh leh tarlang mai se, a awm tawk. Front page em ema an han tarlang duh hi an chanchinbu zahawmna a ti hniam nuihzatthlak deuh lo maw?

CL Mawia
————-

World Cup Football 2018 chu Russia ramah an khel zo ta a, player leh coach nei \ha kawp France chuan trophy chawiin lawm takin an ram lamah an haw ta a.
He tournament-ah thil lang chiang tak chu coach, keeper, defender, midfielder leh striker nei \ha kawp, balance team ram chu an dinchang ta a ni.
Kan ram politics nen hian khaikhin ta ila, striker neih \hat ringawt te, midfield \ha ringawt leh supporter au bengchheng ringawt satliahin awmzia a nei lo tih kan hmu.

Saipui kallai team hi han bihchiang ta ila, an striker Uncle Hawla tluka politics thiam leh mite rinhlawh zo, sawiselna leh mite itsik pawh phur zo thei khawpa striker \ha an vang hle.
Midfield lamah Minister chak, Pu Zodintluanga, Pu Lal Thanzara, Pu Romawia, Pu PC Lalthanliana, Pu Mahima te an intlar \hat a,
Defence lam lah hi politics-a sawiselna tur awm lo midik, Pu ZS Zuala te, Pu R. Vanlalvena te, Pu KS Thanga te, mite rinhlawh Pu Ngunlianchunga te an la awm a,
Goal Keeper khawi bialah pawh ding se tling ngei tur, Pu H. Rohluna, Pu Johna, Pu RL Pianmawia, Pu R. Lalzirliana, Pu T. Sangkunga te an la nei a nia.
Anni Team Saipui Kallai hi an balance a \ha riauva, November thla Trophy inchuh hunah pawh trophy chawi leh ngei tura rinhlawh ber an ni leh mek a ni. Saipui kallai chu han attack ve \hin mahse Messi leh Ronaldo Team te tan chuan bauh din ngaihna a awm love.

David M Zadeng
————-

Thailand ram p<ka naupang footballer leh an coach tangte kha Mizorama thleng nita se opposition party ten sorkar inthlahdah vang tiin ruling an chuk luai luai anga, CM leh a changtu Minister bang turin an nawr ngei ang
. Bialtu MLA-in t^ng la chhuaktute thingpui inna tur Rs. 2,000/- vel a hmuna kalin a pek ngei a rinawm.
Pu Ngunlianchunga’n mamawh atan Silpoulin a pek a rinawm.
Zaithiam hovin t^ng chhungte \anpui nan Mobile Concert an nei ngei ang. MFA President-in Independent Day Trophy final en turin a sawm a rinawm.
Thil inti hre tak tak leh risk huai tak tak ten social media-ah huai takin an ngaihdan an post anga, thudik ber hriat a har leh ngawt ang. Kohhran hrang hrangin \awng\aina an nei nasa viau ang.
Zephyr, Pu Mapuia pawlte pawn TV Show hmuhnawm tak an rawn nei zui leh ngei ang. Bazar nuho pawn an chawhmeh an lo ti to veleh ringawt mai thei a ni
.
Thlirveltu-a
————-

Zoram Kalsiam programme ka thlir a, Pu Lalnun\awma Fanaiin AYUSH Doctor pakhat a kawmna kha a bengvarthlakin ngaihthlak a man hla hle mai. Chutihrualin ka Mizo \awng humhalh duhna avang chuan nam the the ka hmu ve tlat mai. Kan doctor khan entirnan kan han tih mai hunah hian en nan a ti leh \hin a, hei hi a lo dik reng em ni? Kan \awng humhalh hi a va pawimawh em ve aw.
D’Onlooker
————-

PHE Deptt. hian kum tinin budget Vaibelchhe tel an pass-in an hmang ral ve ziah a. Chuti chung chuan kan tui harsat dan a ngai reng (a nasa zawk hial mai thei) si a. Khawvel nihphungah chuan thilmak (miracle) ni vein ka hria a ni.
9774354495
————-