Fakselna (19th August, 2017)

0
461
views

Mizorama Chakma lo luh hun kha chu hman ni lawk a nih kha. Sapin indopui pahnihnaah puak phur turin Bangladesh-a mi an zuk hruai chhova, indo a zawh hnuin an haw thla leh a, hman ni lawk, 1950 dawn lai vela Mizoram rawn hmu ve chauh an ni a, mi an sawi chhiat dan em em hi an â deuh chu a ni lo maw?
8794746089
—————

MLA thlan hnuhnung berah khan tu monu emaw ni chuan House to House kampein a ti nasa hle niin sawi a ni a, paipawnte pawh a nei a ni awm e! Tuna taka a lang a paua han do khaw mawi vel tur em ni le?
Citizen
————-

Pu Lal Thanhawla thusawi, ‘Kan party an nih loh chuan’ tih leh ‘ka Sailo pui pawh ni se, Congress an nih loh chuan engah mah ka ti lo’ a tih hi a va pawi thui dawn tak em! Pu ber hetianga a tawng chhuah chuan a naute hovin an copy sup sup leh zual ngei ang. Hetianga a tawng chhuah hma pawhin thingtlangah phei chuan kan inhmuh mâwk phah a ni si a, kan Lal Isua tawngkam, ‘Heng mite ber chunga in tih hi ka chunga ti in ni e’, tih te chu a sawi ve tak dur dur a. ‘Lei lallukhumte chuan chatuan ram an thleng lovang’ tih te pawh hi ka rin leh zual phah ta. Pu Hawla tawngkam chhe zet mai hi Pathian leh kan ram, kan hnam pawi khawihna lian tham tak a ni tih hi ka puang ngam ve tawp mai! A va han lal bér bér em!
Sanga
————

Kan CM chuan hmasawnna a chak loh chhan chu sorkar hmasate tih dik loh siam that a ngaih thin vang a ni a ti a, keini ve thung chuan mipui bum nan NLUP hming lem vuaha Party siam nan sum tam tak a sem ral leh ram aia Party a ngaih pawimawh zawk vangah kan ngai. Thil dik lo leh fel lo lai apianga MNF a kawk zel mai hi chu rambuai laia Chakma-te ang mai kha an ni. Kum 100 pawh sorkar mah se, zu zawrh leh Party vulh lena MNF kawh zel mai bak hi chu hmasawnna tak tak hmuh ai chuan kawh tur hi an zawng zel mai dawn niin a lang.
Tlabung Uitangrual
—————-

BJP sawrkar hian THUHRIL LEH SAKHAW ZALENNA kan neih thin kha a paih ta elo? Chutiang political party lo din duh, Mizo Kristian veka inchhal tawh zingah hian kan awm a maw? Kohhranin zilh awm tak niin a lang. Ram thimah Missionary kan thawn chhuak thei tawh lo tihna maw?!
9862356019
—————

Kihhnawk sawi fo thinte hian a lehpek atan kihhnawk belh an tan ve dawnin ka hria. Faina kan sawi uar hle na a, mi dang thenfai atan kih hnawk ve kan tum ve thovin ka hmu ru tlat.
Zopa
—————-

Kawnpui chhuah lampang hian signal hi kan hmu tha thei lo reng reng mai a, min bialtu, Lungdai-a mi khan a hmunah lo kal se rawn endik vat rawh se. Heti ringawt chuan a dik lo, bill kan pe reng ve si a. A lungawi loh thlak khawp mai. APRIL atanga tun thleng hian Kawnpui chhuah lampang hian tha takin kan la en lo tih lo hre ve mai mai teh u.
No. thup
—————-

Tunah chuan Chilui current chu a eng regular ta khawp mai. Tuna kan mamawh ber chu inkal pawhna motor kawngpui a ni e.
7630012937
—————

Sikula chaw chhùmte hian an lawmman an va la har em em ve. April atang khan tun thlengin an la lo. Eng vang nge ni ber ang? Heti ringawt chuan chaw chhumtu an hmu lo mai ang tih a hlauhawm hle a ni. Sorkar hian a rang lamin pe thuai se a tha hle ang. Tin, sikulin MDM Conversion cost an dawn thin, tun thlenga an la dawn loh pawh hi pe thuai se a lawmawm hle ang.
No. thup
—————-

Mizoram khawpui lian hrang hrangah YMA leh Police-ten ILP an check laiin Tlabung khawpui, vai tam tak awmnaah hian ILP check reng reng a awm ve lo hi a mak a ni. Bazarah pawh Bangladesh mi, Chakma tam tak, thil zuara an rawn thu ve teuh te hi tunge push back ve ta ang le!? YMA te chu an awm ve tho si a.
Khawthlang Mizo
—————-

Pu Hawla hote hi kum 2018 inthlanah hian lal nawn leh thei lo tur ang hialin Party thenkhat hian an sawi a, a beitute an that viau loh chuan an lal leh thei tho tih i hria ang u.
VL Ruata
—————-

Kum 2018-a MLA inthlan lo awm turah chuan Zoram mipuiten ‘Nun’ kan neih nan, tam taka kan neih nan Congress leh MNF te hi ‘sirah’ hnawlin ‘ZEM’ (ZORAM EXODUS MOVEMENT) ngeiah hian i vote hlu tak kha thawh ve la, chuti chuan ‘ram nuam’ kan siam tlang dawn nia.
Dawngdawnga Pu

(E…. campaign nan chuan hmang lo ang aw)
—————

Kan Mizoram danga infiama kal thin, Mizoram tana gold medal rawn hawn thinte hi kan Mizoram sorkar hian cheng singkhat tih vel mai mai in lo pe thin hian infiam mite tan hmasawnna leh a hlutna a tilang hlei nem. Nuai 50 te, an dam chhunga an inenkawl theih tawhna tur sorkar hna nghet te pe zel thei ula engtinnge hma an sawn loh tehlul ang? Ram dang pawhin an tih theih hi engnge Mizoram sorkar hian an tih theih loh nachhan? Hriat thiam a va har tehlul em.
9402306330
—————-

YMA-in a tobul leh a thil tum a takin an kalpui thin hi a lawmawmin a thlamuanthlak teh thin e. Mahse, ramri an pel thui ta mah mah em aw? Tun atanga kum 5 a vei meuh chuan thuneitu lian, sorkar ber emaw kan nih an ti ang tih ka hlau hlel love. MLA, sorkar, Head of Department, NGO etc. an duh duh an ko pharin, an duh dan leh duh loh dan hmangin an vau kal ni ta berin ka hria. Thuneih hi a nuam a ni ber mai e.
No. thup
—————-

Vai danna tha ber tura ka lo ngaihtuah ve dan chuan kum khat atan 100 bak permit pe lo se, tichuan tlem chuan a zia deuh ang.
Sangpuii pu, Aizawl
—————-

Nuthlawi leh pathlawi inneih chu huiha heiha a ni mai. PC & ZNP-te inkutsuiha kum 2018 MLA inthlan huna atana tiam tlat e an han ti ta mai chu a kutsuihtu Pastor ni awm takte lah hi khawiah mah Unit an la nei awm der si lo, inmâk leh inthen leh tur ringawta inneihna hi ram kalsiam tibuai mai maiin atthlak tak a ni. A thuhrimah party mala sorkarna siam thei lo tur chiang saten rorel an tum ve thin hi kan policy chu engpawh ni rawh se, kan rilru erawh a lang e.
9862751696
—————–

Kum 1998 atangin kum 2008 thleng, MNF-in ro an rel a, kum 2008 inthlan atanga tun thleng hian Congress-in ro an rel leh a. Nangni Party pahnih hian infak vak emaw, insawi chhiat vak emaw hi sim rawh u. In rorel chhung hian in dinhmun leh ram in hmangaih dan chin te, Chakma District lo pian dan te, a hnu zela hma in lak dante hi kan hre chiang lutuk, Mizo mipuite hian. Chakma District chungchang ngat phei chu sawi ve ngam tur hi in lo ni lo hrim hrim.
SIBUTA U
—————-

MNF ho chu engtiziaa NIAS chu rawn tharthawh leh chu ni maw ka ti a, ka bula mi chuan sawi tur dang hre vak hek lo, a ti a, citizenship chungchang pawh Pu Duhawma’n a sawi a, YMA ten an sawi ve leh a, thu tak tak a niin a lang a, sawi ve awm alawm le ka ti a, ka bula mi chuan MNF hote chuan engemaw mai mai bak an buai ngai hlei nem a ti sam et a. Chutiang chu maw an lo nih a ka ti a, ‘Ni tehreng e a, MNF-te chuan thil tak tak an buaipui ngai meuh lo’ zu ti tlat a, a mak teh zawng a nih hlawm hi.
9862913345
————–

AIR Announcer, PC Lalremruati hi a thupuan a fiahin a hmeltha bawk si, a hmuhnawm ngawt zel mai. Amah ngawt hian puang thin se, News ngaihthlak a chakawm sawt ang.
9862425381
——————