Fakselna 19th May, 2018

0
646
views

Intodelh chu sawi loh ram leh hnam tana chhenfakawm tham thil ti tak tak duh hauh lo, bonra pui puia hram ching te thlak tur hian ZPM chiah kan nei ta. Sumchang thlai an lei tur thu ngawt pawh hian min ti phur ve hrim hrim. “Kan lei ang” an tih hi i ring phawt mai teh ang u khai. Thil \ha ti tura hmalak tum mek chauh zel te, Missionary nuai khat tirh tum ve luklak mai mai te thu sawi ai chuan a hlauhawm nep deuh ngei ang. Khawvel huap pawha ‘SAIPUI’ ni ve phak te hi Tuikuk leh Takam te be tlawn kual mai mai leh ‘KUT’ phuahchawp lutuk huaihawt hrat riau leh thil holam te te hawng thlazen mite hian kan bauh thinrim anga, min rawn chil pherh vek mai ang tih te hi a hlauhawm daih a ni.
Ronald VLC
—————-

ZONET Programme pakhat, Zonuni nen Thingpui sen tih kan hmu \hin a, a thingpui inpui hi mi lar deuh tak a nih loh chuan kan hre ve \hin lova, chuvang chuan entirnan Lala nen thingpui sen tih ni ta se kan hre tlang thei ang.
Keimah Theubema
————–

Kei chuan pawisa min pek pawn ka la hmak hmak dawn, ka pawisa reng sorkar hian an ei nasa tawh lutuk. Ka vote dawn lo a ni hmak.
Marami Chawngthu
—————

Mizo zinga mi chhuanawm leh a ber kai nangmah ang hi tumah Zofate zingah an piang lo an piang leh tawh lo’ng chatuan thlengin. Ka chhuang tak zet che a ni. Ka Pu Lal Thanhawla vawiin i pianchamphaphak vawi 80-na Pathian hruainaa i lo thleng ta hi ka lawmpui takzet che a, hlim taka hmang turin ka duhsakna ka hlan che a ni.
R. Lalhmunmawia, Tuikual South
————-

Mizoram mipuiten kan ram hruaitu luber a tana \ha tur, party behchhan miah lovin hei hi teh fungah i hmang ang u. Pu Lal Thanhawla, Pu Zoramthanga leh Pu Lalduhoma te hi an thusawi duh danah tunge ram changkanna leh Mizote hnam zahawma min siam thei ang tiin hei hi tehfunga hmanga vote kan pe thei a nih chuan ram a dam ang. Party base-a vote kan la pe zel a nih chuan tun hi kan dinhmun a ni reng ang.
RK Sanga
—————-

Kei chu ka ngaihdanah chuan BJP sorkar hi chu chhia ka ti em em lo. Mahse, an lo len tak zelah hian keini Kristian ram tan hian an hlauhawm theih mai ka ring deuh tlat a ni.
9774055291
————–

Mizote hi hnam tlem te, India ramah pawh, mihring tlemna ber, Mizorama Zohnahthlak te, Lai, Mara, Hmar tia kan inla hrang kual leh vel hi chu inla hrang \heuh ta i la tunge Mizo chu ni ta ang le? Pipute a\anga inr<n hnam kha Tuipuiral a\angin Sap Upate hmangin Pathianin Zofate zai khatah min luan za tir a, tunah hian kan pipu hunlai ang khan kan kal leh \an ta, khang hunlai ang kha kan thleng leh a nih chuan khawvel hriatah Mizo tih a awm tawh lo anga, hnam tlem nih duh si lovin Israel hnam te kan la inti mai mai lovang maw? Chhinlungchhuak Zofate i harh ang u.
Hnam Arsi hruaitu ZORAM SAKEI
—————

Kumin November thla lamah chuan kan ram chuan kum 5 chhunga min hruaitu tur kan thlang leh dawn ta a. Engtiangin nge chhungkaw tinte hian kan lo hma chhawn dawn le? Kum 33 chhung min lo hruaitute hun chhung hian kan ram leh hnam hi a him em? Ei leh bar, Power kan hnianghnar em? Kuthnathawktute leh \halaiten eizawnna tluantling an nei em tih te hi kan tehna tur ni sela. Chutiang hmuh tur awm si lova mahni pumpui chauh hmachhuana an \ha lo a ni tih hre reng chunga kan inlawmluh tira, sum leh therhlo chhete beiseia kan vote leh a nih chuan kan tu leh fate phatsanin kan ram chhiatna kawng sialtu kan ni ngei ang. Mi pamhamte kuta kan ram hralhtu kan nih dawn vangin…! Hawh teh u ngaihtuah chiang teh ang u, kan ramah hian kalphung thar hi tungding ila, raltiang i kai ve ang u.
Simona Pa
————-

ISUAN kei grep hrui ka ni, nangni a pengte inni a ti. Phai lama BJP te sawichhiaa Zoram lama tlawn leh si Pu HAWLA hi a \awngvai a ni lo maw? BJP peng chu BJP tho vawksa ei thei lo hnenah vawksa tui pek ang a ni. Kum 2018 MLA inthlan chu BJP kan duh lo tak tak a nih chuan Mizo zawng zawngte \angrual ang u. |awngkaa sawi chhiata, thinlunga duh leh si, MI THIANGHLIM CHHANDAM TLING LO ang a ni. Mizo zawng chu ZPM-ah aw.
Thlan piahlam paho
—————–

Kan hmuh chin leh hriat chin a zim a ni thei a, chanchinthar puangtute hian an chanchinthar puan tur thupui ziakin an dahlang \hin a, ZONET hian an dahlang ngai lova, inthupuan hi a fiah felfai \ha famkim bik si lova, engnge inpuan hriat lova liam ta mai mai a tam mai. Hma han sawn teh u.
9436376688
————-

Inthlannaa chak inring ve loten sorkar in\awm an sawi \hin. Mahse, chutiang chu a thleng lovang.
Zualtea
—————

Ex MNA an inti reng mai. Hmanah rambuai lai khan kan hlau hle. Tunah hlauhawm an ni lo. An duh leh ramhnuaiah lut leh rawh se.
Remnaa
—————-

Driver kawng laka harsatna tawk intlanpel ngai lote kha tunah chuan a ni ta meuh lo hi motor tam tak vang nge ni ang, tlawmngaihna a tla chhe ta le? Kawng laka accident tawk, \anpuitu mamawhte pawh kan tlan pel ta mai \hin hi!!
Maktia
——————-

Kan hotute hian dawt phuah chawp ringawt hmanga mipui bum tum hi sim tawh rawh se. Mipuite kan mawl lutuk tawh lo.
VL Ruata
————-

Chanchinbua PRISM hovin an tarlan han hmuh hi chuan Maghalaya ram Prime Minister tla ta ang mai khan Mizoram hi kan politician ho hian min RAWK a nih ber hi maw! PRISM ho mipui beng min tih varsak \hin a, Mizoram tan \angkai tak a nih ngei ka ring e.
8729984567
—————

Ni za inhlawhna ni 9 hlawh a lo chhuak ve a, chutah ni 5 hlawh an la cut zui a, an ni 5 hlawh cut chuan khawtlang changkan nan tiin step metre 150 chuang zet siam turin sorkarin thu an chhuah a, ni 9 hlawh pawhin siam dawn ila a daih awm mang si lo. Kan sorkar hian mipuite min chhiahhlawh en ta riau mai. Ni za inhlawhna hi keini mi rethei tan chuan kan sum hmuhna awm chhun a ni si a, sawhthing kan thar neih ve chhun lah min laksak duh mang si lo. Ni za inhlawhna a chhuah khat nak a lai hian a chhuah ve chhunah min cut sak \euh \euh tawh suh se.
Thingtlang retheipa
—————

Wallet dum chhar a ni a, a chhunga thil awm te sawiin he ka phone number-ah hian lam theih a ni.
9612238063
————-

Rev. Chanchinmawia thih chungchang hi India rama Police \ha ber, CBI an chhuitir tawh a. An thil hmuhchhuah kha ring ve tawh se a \ha mai lo maw? A ninawm zozai tawh a lawm le? Politics-a ham\hatna lak nan hman tum fo hi a nupui fanaute pawh an hmaizahawm tawh a lawm le?
9774354495
————-

Aizawl khawpui chhungah hian ka tlan kual hnem ve ta hle a, a bik takin Taxi khalhtute zingah hian midang ngaichang miah lo, traffic jam karah hmalama awl duai leh traffic police ngei pawn hmanhmawh deuh tura hui paha an ham tuar tuar pawh speed tichak deuh chuang lova muang em ema tlan lui tlat hi an va tam em. An thlenna tur khalh thlen hlau an ang berin ka hria. Hnung lama motor jam intlar put lai pawn passenger melh chungin muang em emin mahni chauha kawngpui dunga motor khalh emaw inti niawm taka an khalh \hin hi chu sim a hun ta hle mai. Timing thlenga vawng thiam lo hi driver thiam an ni ngai lo.
8794519384
—————