Driver kawng laka harsatna tawk intlanpel ngai lote kha tunah chuan a ni ta meuh lo. Motor tam tak vang nge ni ang, tlawmngaihna a tla chhe ta le? Kawng laka accident tawk, \anpuitu mamawhte pawh kan tlan pel ta mai \hin hi!!
Maktia
————-
Damdawi ina doctor-te hi ka’n sawisel teh ang. A bikin Champhai damdawi ina doctor-te hi ka’n sel bik teh ang. |um khat chu ka va pan ve a, ka natna ka’n sawi a, ka thusawi pawh ngaithla mang lo hian lehkhaah a ziak a, mi a nin hmel bawk si, kei ka ngaihdan chuan doctor ni tlakah pawh ka ngai lo. Doctor-te chu tlawmngai thei leh hawihhawm viau turah ka ngai a, mi nunna chhanhim tura puanvar sin an ni tih hi hria se a lawmawm ngawtin ka ring. Doctor \henkhat lah mi rethei an hmusit bawk si. Hetiang hi ching tawh lo se keini thingtlang mi retheite hi kan lawm ngawt ang.
Thingtlang retheipa
————-
Pu Hawla hi rindan leh rin loh dan pawh ka thiam ta lo. A changin BJP min sawi \haiha, a \henah kan \angho leh bawk sia. Chungleng leh hnuaileng indova BAK an sawi kha kan ang ta riau mai!!
Congress ve mai mai pa
————–
Tuirini lei dawh mek chim ve leh ta mai hi kan tun hnai thupui neih chu a ni ber maw? ZONET Report-ah khan thla khat zet hna thawk tawha chim ta ni khan sawi a ni a. January ni 8 a\anga February ni 13 chhung thawh hman niin, thawh zawh hun tur bituk nen pawh a la inpersan lua lo. Hmanrua te hi a supply-tu Company hian a suak an rawn pe a ni a nge han ti dawn ila, kan Engineer-te’n an vil ve reng si. Hmanraw hluite lo pawt khawm palhin lo hmang ta se, an hre chang hman lo thei tho bawk. Tuirini dungah ruah bing a sur nasa a, tui a lian chiam te a ni mai em? Nge, Tuirial lui khuah hi a rawn dil let nasa viau zawk? Mahse, hei hi chu a chhan a ni thei lovang. Lidungsei kan tih te pawh mumal ta lo khawpin tui a kam thla zawk tlat.
8414883986
————–
Kan sorkar hi chuan mawhphurhna la ngam leh mawhphurtu nih ngam sela, banna thehluhna chhan tling hi chu a thleng ta nual mai. Entirna pakhat lei dawh mek pahnihin an han zawh chim ngawt mai ang te hi mawhphurtu tan chuan ban vang vangna tling a ni. Hei tunah police officer engemawzat chuan dan lovin an hnuaia mi anmahni pualin an chhawra, pension tawhte pawhin ardali la chhawr rengin, sorkar motor-te pawh an la kawl zui reng thu chanchinbuah te kan chhiar tak hi. Police-te enkawltu, Home Minister tan chuan ka hna ka enkawl zo lo a ni tia banna han theh luhna chhan a va tling ve le.
RK Sanga
————–
|henawm khawveng pawisa lek lova khawsa ho hi chu eng ang pawn pawl leh Kohhranah pawh inhmang mahse zahawmna an nei chuang lo. Mi sawisep an kai tho. Eng anga in leh lo \ha pawh nei mahse mi zahawm an ni chuang lo ka ti ve tlat.
No. thup
————-
Ex-CM Pu Zoramthanga thubuai thehluh kha dik takin Court-in thuremna tichhuak teh se.
A ninawn zozai tawh a, a lo thah tir a nih pawhin a phutawk hremna hmu se. A thah tir lo a nih pawhin a puhtu khan a phu tawk hremna hmu bawk se.
Tun hnuah mitthi tawh hminga ham\hatna lak tumna a reh deuh mahna.
9774354495
————-
Zoram mipuite u, vawiin a\ang hian he kan ram leh hnam min tichhetu party-te hi hnawlin kan ram leh hnam a lo damna turin ZPM party hi enchhin turin rilru i siam thar teh ang u. Kan ram tana hling (Chakma / Tuikuk) tihuangtau tute hi \hangtharten an dem hun a hla tawh lo i harh mawlh teh ang u.
9862322234
————-
Tunhnai ni hnih liam ta a\ang khan chhim lam hian current kan nei thei ta hauh lo mai a. Chhungkaw tin, zirlai, office lam hnathawkte tan harsatna a thlen nasa em em mai a, a rang lama hma min laksak turin kan hotute kan ngen e.
|hakima Renthlei
————-
ZPM-te hi an rorel a fel bik hmel hle mai. Pi leh pu hunlaite min ngaihtuah tir a lawm. VAL UPA-ten ro an rela, tlangval leh midangten an sawi buai a ngai lo. Tunah pawh val upa rorel sa-ah ZPM te an buai ve lo. Mizo zemawi dik tak kengtute KEI tih aiah NANG a ropui hle mai. ZPM vul zel rawh, Zonun mawi par ang vul zel rawh se.
8730841016
————–
Kan ram Politics chu a ngai reng a la ni. ZPM kan ring viau dawn a, an bial viltute sum chelek danah a hma a mite ang tho an ni. Rin an har ka ti.
Duata pu
————-
Lalduhoma hi lo atchillh tawk a mawl an va tam ve. Thlai thar hralh tur nei kan tam lo. Sawhthing nei pawh tlem te an ni. Politics khelhna tham a ni lo.
VL Ruata
————
BJP hian a theih dan ang anga sorkar siam an tum a, hmanraw chhe ber pawh an hmang hreh lo niin a lang.
Lalthawvenga
————-
Tuirini leichim leh a chhehvel harsatnaah hian Mizo tlawmngaihna a langchiang leh hle mai a, engamah hmaa sorkar dem chiam chi niin a lang lo. Hmar tlangdunga khaw mipui zawng zawng hian Politics thilah an la lem lo bawk. A \ul chuan sorkar leh mipuite hi \ang tlang ho mai tur kan ni zawk awm e. Sorkar pawhin theihtawp chhuah zel se.
LB-a Pa
————-
