Fakselna 1st November, 2018

0
570
views

Zonet Fakselna hi mipui vantlangten an ngaihdan leh ngaimawh thilte an tarlan leh thawh vena tura buatsaih nge? Thlan bik leh duhsak bikte tana inbuatsaih? Ngaihdan leh thlirdan kan neih te kan rawn thawh ve chamchia, inrawn tilang ve duh der lo hi chu inthu thu nimahse, mahni theihna zawn te teah in LAL vet vet kan lo ti thei \hin khawp che u a. Tun ai mah hian han inti THU leh sauh sauh teh u. In lo ROPUI ta ngei mai.
Tlangvala
————

ZPM hi lo thlang tling ta ang ila, lo tisual viau pawh ni ila eng nge ch^n tur awm chuang? Ngai kan awh tho a ni. Kan ram kalphung thlak duh tan chuan risk lak hunlai tak a ni e. Kan tihfuh leh kan vannei a ni mai ang chu.
Tlumtea
————

Inthlanpui Thlirlawkna hun in hman \hin hi a ngaihnawm thei khawp mai. Host leh panel-a \hu te inthil sawi a bengvarthlak thei khawp mai.
Zoa Bungkawn, Aizawl
———–

Pathiana harhna leh hnama harhnain Zoram dung leh vang a tuam meka, Congress ho hian dawta thil awm ang lo tak tak leh thu dengkhawng pui pui sawia mipuite bum an tum leh \an ta. Ram leh hnam tana thisen far tawp thleng pawha Pathian leh kan ram tan titu, sa hr^ng, mi hr^ng hmaa zam ngai lo, ram tana nuna hlan ngam MNF party hi dawt thu leng leh thu belhchian dawl lo lakah kan zam ve mai mai ngai lo tih hriain lungrualna hi ram leh hnam tan himna kulhpui ber a ni tiin hnam party leh hnam thinlung pu zawng zawngte hian Zoram hi kan ram a ni tiin i puang zel ang u.
Hnam Arsi & ZORAM SAKEI
———–

Kan Bible chuan ngaihmelh pawh uire a ti a, chutiang bawkin sorkarin zu a zuara, Congress sorkar zu zawrh hi kan zavaia zu zuar kan ni a, sorkar chu ka ta a ni a, sorkar ta ka ni bawk. Sorkarna siamtute pawh Kohhran awmna nei vek kan ni a, chuvangin Kohhran hote pawh hian zu kan zuar tihna a ni. Sorkar ta, sorkar ka ta, a thlang tlingtu kan ni bawk, kan zavai hian zu zuar kan ni e.
PAVALAI
————

Kan ramah hian enga tinge BJP hi kan hlauh em em? Party pakhat a ni ve mai a lawm. Congress pawh an sorkar lai khan tunge Hindu-a inlet awm hria inawm chuan min lo hrilh teh u a. BJP leh Congress chu Central party ve ve an ni a, an pute chu Hindu vek an ni hlawm si a, BJP hi kan ramah lo sorkar pawh nise tumah Hindu-ah kan luh phah lo ang tih hi chiang takin ka sawi ngam a ni.
9862402860
————

Kan Zoramah hian Kristian rama tlem viau awm Aids tamna ber State kan nihna te hi a va zahthlak em! Zah a hnekin, hmeithai siamna khawl bun zui zel duh kan la tamzia han hmuh hian kan ram hi kan lo vei lo tawp tih a chiang hle mai.
Carolini pu
————

Vote hi ram siamna khawlpui ber a ni tih vote neitu zawngten chiang ila, vote hmangin kan ram hi i siam \ha ang u. Inthlan laite chauh hun kan nei. A hnu kum 5 chhung chu voter-te kan hlu tawh lo. Lal thlan fuh loh hun atan chuan rei tak mai a nia aw.
RK Sanga
———–

MNF sorkar hmasaah khan Kawlkulh bulah Vawk farm an siam a, puitlin lovin an pam\ul hlauh a. Sawhthing hriak sawrna Sairangah an din leha, an pam\ul leh hlauh a, damdawi in lian Falkawnah leh kawlphetha Tuirialah an din leh dawn a, an pam \ul leh a. Chuvangin pam \ul Party ti tawh mai ila.
KEIMAH THEUBEMA
————

A vawtuin ek a cheh: An hruaitu \ha leh mipuiin an rauhsan avanga chaurau ek thai mek nia kan ngaih \heuh party 1 chuan an VC leh Bru helpawlte public meeting nei hovin party dang mipuiin an bawh mek chu heng hel ho hi thawhpuiah an puh zeih mai maw? Thudik an rawn hailang leh ta si a, a va zahthlak ve aw! A vawtuin ek a cheh an tih ngei chu hei hi a nih awm hi. Mak thei ngei mai! Puitling tawh tan chuan ek cheh hi chu a hun tawh lo maw le.
Maktia
———-

Min thlahtute thufing lal ler khuaah chuan sawn, fahrah, nuthlawi, hmeithai an tam, lal taima khua chuan pur a chaw ngai lova, a intodelh \hin. Lal huaisen chuan ram a zauh \hin. Hram dan dang daih, sava hi a fuknaa sawnin a hram dan a ngai reng \hin, kan pu vete hi chu a bik takin tun hnaia fukna sawn te pahnih hi chu an hram dan a dang daih. Kei chuan zuang lawr dik dak chu niin ka hria. Zoram mipuite hnena ngenna, kum 5 chhunga kan chunga roreltu tur kan thlang leh dawn a, chhung tinte hian kan vote tur Pathian hnenah i dil \heuh ang u aw.
9862385307
————

Mizoram polical party-in kan tihsual lian ber leh chhui let nachang kan hriat ngai loh chu hei hi a ni. Pakhatna atan chuan candidate neih \hat mai a tawk lo fova, chu chu eng nge kan tih chuan Chief Minister neih \hat leh \hat lohah a innghat thui hle awm e. Kan sorkar lo hrawn tawhte reng reng kha an hun hman chhunga mipui khati zozai kha kan phun kan phun mai a nih kha. Tunah pawh an ze ngai tho kha a ni an la put ni. Mipui hmaah insiam\hat tumin thuphate an han chawivel nen mipuite hi min hneh an tum leh tlat dawna, mahse sorkarna an han chelh tak tak hnuah mipui nawlpui chu min palzut leh ngei dawnin a lang. Inthlan zawh lama MNF leh BJP-te maw inzawmna thuthlung lo siam fel leh ta te chu? Hetiang hi maw Mizo Nationalism intite chu? An va mak ve. Sorkar siam an tum dan chu a makin a rapthlak hle mai. Sorkarna siam phawta mipuite hmaa inhrawt vak vak hi an thil tum a lo nih lek tak chu a.
Zohmangaiha
————-

Inthlan kan hnaih ta hle mai. Chutihrualin sikula chaw chhumtute lawmman thla thum tawp an la leh tawh lo. Ni tin chaw chhumin an kal ve a, an buai ve thei hle. Inhlawhna dang han zawng dawn se an chaw chhum hun a laklawh avangin thildang an ti hman meuh lo. Thla khatah Rs. 1,500/- lawmman an pek \hin hi a hunah la chat chat se chuan ration buhfai khulhna, electric bill leh mamawh dang an lei ve thei tur. Cook lawmman tlemte pawh pek theih loh reng mai hi a enkawltuten an ngaihthah a ni ber. A ranglama pek ngei an nih theih nan hotuten hmalak sak vat se a \ha hle ang. SSA Teacher-te pawhin thla hnih hlawh an la lo leh tawh bawk. Zirna kawnga kan kal dan hi beisei a sang mawlh lo ve, hnathawktu chuan lawmman a hmu tur a ni si.
No. Thup
————

Pu Fela pa TPS inti khan ZPM-te hi party bik duhsak tura ila ngai kha i tisual der a ni. Congress leh MNF te anga party sorkar din an tum ve lo. ZPM an lo sorkar a nih chuan Congress emaw, MNF te pawh an duhsak tel vek dawn che u a ni. Party sorkar hi a bo theihna turin ZPM i vote \heuh ang u.
Party ruihchilh hi bo hram tawh se, kan ram hian hma a sawn ve thei ang.
Neutral pa
————

Kan political party tinte hian pawl dang sawi chhia leh chumi khami chu an inzawm tia insawisel lovin in thil tum leh hmalak dan \heuhte kha sawi teh u. Midang sawisel hian tu rilru mah a khawih lo a nia.
Aizawl Nu
———–

Sudden Muanga Ziaktu, Pu Lalsangzuala a boral tawh hi chu a pawi ngawt mai. ZPM-in sawhthing an buaipui em em mai ka hmuh hian Sudden Muanga comics tirlama Sudden Muanga’n Sawhthing a buaipui dan kha ka hre chhuak ziah. Hei hian Politics-ah Sawhthing kan buaipuina a rei tawh zia a tilang. Pu Sangzuala kha la dam se, tunlai Zoram Politics virvel hi Sudden Muanga hmangin han chawkvir leh se a ngaihnawm teh ang chu aw.
The New Kids
————

Mi \henkhat hian Congress leh MNF leh PC an sorkar tawha, la sorkar ve lo Lalduhoma hi enchhin a chakawm. ZPM hi i enchhin ang u an ti fova, an rawtna hi ka ngaihtuah fe hnuah sorkar tur hian enchhin tih hi tih chiah ka ngai lo. Lalna leh thuneihna duha zuang lawr zuang lawr ringawt. Pawl tam tak din tawh, pawl dang zuan leh zel \hin mi lakah kan ram hi dah ngam chiah ka ngai lo kei chuan. Kan ram hi enchhin nan i hmang lo hram ang u.

The Black Panther
———–