Fakselna 21st November, 2017

0
982
views

Tun \um Fiamthu Fest an neiha \ha lo chu Pathian thu fiamthu nana an hmang nasa lutuk kha a ni. Sakhaw dang chuan an ngai thutak khawp ang.
8974807093
—————

Kan sorkar hrawn mek hian khaw tin, veng tina Retailer te a ching rethei hle mai. Sorkar aiawha mipui nghengtu, a chhiat lai pawha sawisel leh sawi chhiat te, mi rêl phurtu Retailer-ten an harsatna an thlen a, sorkar ber pawhin “In harsa lo a ni ang, in la \ang duh alawm le” an lo ti hleuh zel nia! Retailer-te hian an hah ang hu-a hlawh chhuah tak tak an neih lohzia hre chiangtu chu sorkar ai mahin mipuite hi an ni tawh zawk awm asin. Heti khawpa a ching rethei chungin, a hmingchhiat khuhtu Retailer-te thawh hlawh ngei ngei carrying bill pawh a la sem sawm sak zui a, chu mai a la ni lo, mipui laka hming\hat lak nan dawr hawng rei tur leh buhfai phur zung zung tur tein order khauh tak tak a la chhuah zui a. Heti reng reng chuan Retailer-te hian an la tlin lo ang a, an la bang dual mai ang tih a hlauhawm hlel love. An ni lehzel an lungawi loh chuan an vua leh vâng, an chhungte engemawzat an kalpui ngei ang. Inthlan hunah vote a kiam duak thei tih hi ka’n rawlrûk ang che u.

K. Hautea
————

15th July-a GST hman \an a nih khan Mizoramah pawh thil man sangin kan lei \an a, mahse November ni 15-a item tam tak atan GST tihhniam a nih hnuah thil man a hniam chuang lo hi dan kalh a va ni mai awm ve. Sawrkar laipuiin mipuite harsat hlauvin GST hi item 178-ah tihniamin, hei hi hman a nih loh palha action la turin National Antiprofiteering Authority a din nghal a, state level-ah Screening Commitee dah bawk tura duan a ni. A man tur aia tova mipuiin kan lei chuan titlawm turin emaw, bungraw leitute hnena pawisa pe kir turin (a interest nen) emaw, he Committee hian a order thei a. Case lian thamah chuan businees entity-te pawisa chawitir leh an GST registration thleng cancel sakin a hrem thei bawk.
Mizo mipuiten i lo hria ang u.

Bobo-a U
————

Pu KS, kum 2008 leh 2013 MLA inthlana i tana theihtawp chhuahtu kha tunge i nih min ti tiraw..! Awle, a awm tho e, kum 10 chhungin vawi thum kan inhmuhna a ni miau a. Kum 2018 inthlanah erawh chuan i tan tha leh zung ka seng tawh lo ang. Minister-a hlan kai i nih ka lawmpuina chibai ka buk che kha i tana ka tih theih hnuhnung ber a ni ta e.
8014446718
———–

Chaltlang Lily Veng Bazar India bula in hmun min avanga khawpui chhung traffic buai belhchhahna hi engtia tih chi nge ni le? A hria intite sawi danin sum neih loh avanga in hi sa \ha thei lo ni lovin, thil dang avanga sa \ha lo mai ni awmin an sawi a. City bus phei chu Chaltlang lamah a kal lo ta hmiah a, helama haw tur tan chuan buaithlak tak a ni. Chhungkaw pakhat avangin mipuite hian traffic buai belhchhahna hi kan tuar ngawt ngawt mai tur em ni? Bazar India thlanga hawker siam, footpath dal tlattute pawh hi traffic thuneitu lam chan a ni lo maw, kawng sira lirthei ding zeuh pawh an vir vat vat laia mipuite him nana siam footpath hnawh tlattute hi an ngaimawh ve tur a ni lo’m ni ka tia.
Puipuii pi
———–

Mizote hi hnam maksak leh dangdai zet mai kan lo nih hi mawle. Hnam thilah chiang kan inti viau a, kan hmeichhiate’n hnam dang mi neih an hrat viau a, kan en liam mai mai a. Politics-ah ni se kan mi vawrh chhuahte an dukdak loh viau pawhin hun rei loteah hram tlahawlh leh khawsa dik lote kan theihnghilh zui mai zel. Sakhuana lamah te hlei hlei kan kal uchuak nasa a. Nunphung hrim hrimah lah kan huangtau. Tangka a awm chuan engkim mai kan ti hreh lo a ni ber mai bawk si. Thil thar kan bawh chak viau laiin ro tling tur thil kan uksak peih lawi si lo. Kan TV en ve theih chhun te lah hi chanchinthar puan laia fakna rawlh/zeh taima tak leh Film sawmbal te te chhuah uar tak an ni tlat pek a. Mi naran tan hian lawmna tur thil hi a vang pharh mai a nih hi!!
8414883986
———–

Daia inthiar leh leikapui tlanga inthiar a\anga comode, European type thleng hre phakte hian Zoram politics kal dan leh an indin dan te, an \hat leh \hat loh dante kan hre ber. |hangthar hmasial ho hian sum bak ram an vei tak tak lo.
Malsawma pa
—————-

Rambuai lai hre ve vek ka ni a, kum 1965 chho te, kum 1987 vel te, Pu Denga kha chu a lal rei lo ta em a, Pute Zorama leh Hawla te an in lal chhawk ta ngar ngar a, kum 1990 leh kum 2017 hi han tehkhin ta ila, Aizawl leh thingtlang lam te, kan hmasawn dan te, kan \hang ve nasa hle tih kan hre thei, ei leh in, khawsak phung, in leh lo, incheina, lirthei, Bank kan hman dan, a tam mai. Khaw tinah ek in leh inbualna thlengin, tui leh kawng lamte. Pute Zorama leh Hawla te chuan an phak tawk chuan hna an thawk tih a lang. La Lal ve tur, CM leh tur dangte hi chuan lo sawisel ve ngawt lo phawt teh u, in mi leh sate nen hian kum 5/10 vel in CM hunah induh leh in sawisel dawn nia. Buana hmaa lo kherh ngawt tunge ching ngai?
9436354327
————-

LALPAN a mi rinawm leh rintlak hmangin ka wallet tihbo min lo pe kir leh. Ni 18-11-17 Inrinni khan FRASER’S Clinic Mission Vengah ka fapa nen mit kan entir a, Clinic bulah wallet hi kan thlauh a ni ngei tur a ni. In kan thlen chuan ka fapain thil leina tur cheng 10 min lo pe a tia, ka pe tur chu wallet chu ka hmu ta hauh lo mai a, kawngah kan thlauh a nih ringin kan kir leh a, tlai lam deuhah Counter nghaktupa chuan kan in rawn zawng chhuakin min rawn pe kir leh ta mai a, ka lawm khawp mai a, lawmmanah cheng 500 pek kan tum a, a duh lova, kan pe lui tlat a, a nih leh a ti a, a haw ta mai a. Mahse, kan \henawmnu bulah a lo dah leh a, min rawn pe leh \alh a nih chu. Mak leh lawmawm kan tih em em mai chu ka wallet-ah hming leh thlalak, document engmah ka lo dah miah lova, pawisa Rs.5,000/- vel ka ak bawk a, chuti chung chuan kan veng leh awmnain a rawn chhui chhuak thlap mai kha a ropuiin mak kan ti. Counter nghaktupa Lalpan malsawm zui zel rawh se, vanah lawmman a nei \ha ngawt ang.
Zorina te pafa, Salem Veng C 74
—————-

MNF, Congress, PC party-te din dan leh kal dan zawng zawng hre pha kan la tam. |hangthar sum bak ngaihtuah lo party \an ti na ve ringawt ho hian ram hruaitu \ha in hre lo.
Ruata pu
———–

Khampat Bung lo haltu kha hriat chhuah a ni ta em le? Zofate min suihkhawmtu leh kan hnam rohlu, Khampat Bungpui hi hmelmaten tihchhiat tum mah se kan pi leh pute a\anga Zohnahthlak zawng zawngte min hui khawmtu leh pumkhata min siamtu, kan hnam tana thil hlu a ni a, engtiang harsatna leh beihna pawh lo tawk mahse, \hang lo thar zel turte tan lo tuai thar leh lo venhim hi Zofatena kan mawhphurhna a ni tih hnam dangte hian lo hre rawh se. Lalpan Khampat Bung, Zofate tan malsawmin veng zel rawh se.
Hnam Arsi hruaitu, ZORAM SAKEI
—————

|angrual hruaitute u, \an han la zel teh u. Mahse, inpawl \heuhah khan inhmelmate rawn inrawlh ve tumin an lo kal ngei dawn, he pawl panga 5 te hai darh tur hian. Mi tu emaw, nangmahni member a\ang tho khan an awm mai thei, inring rengin awm ang che u. Pawl dan ang lova ke pen tumtu leh infuih ru awm \hinte a lo awm palh ang e, fimkhur takin inbeng leh mit te kha len tam rawh u. He fuihna \awngkam hi duhsakna \awngkam a ni. A tu amah hian a darh zawng rilru an pu tur a ni lo. |ang fan fan ula, bei fan fan teh u khai! ZNP leh MPC-te kha member in ngah deuh avang khan inla pir bik suh ang che u. Tlawmna nun a\ang zelin aw? |anrual hi chakna a ni.
Aizawl pa, Neutral
—————

Thingzai khawl mawlh mai hi in ngaimawh ve lo em ni? Thing zai theih loh a nei mang si lo, luikawr, kham kar thleng mai hian
a zai theih si a, thing a r>m chak lutuk! Sorkar leh YMA-te \angkawp hian khap hmak ang u hmiang.
Sanga
————-

EVM chu khawih chingpen theih zawng a lo ni reng a nih hi. Congress-in an sawi nasa em mai. Khawih chingpen theih a nihzia chu Congress hi a hre chiangtu ber an ni ngei ang mawle.
RAMA HOUSE
——-

Workers Welfare Board sum pek chhuah, Vanglaini ni 21-a tarlanah hian kum 2013-14-a pek chhuah hi a va tam bik em em ve le?! Uchuak leh tenawm taka Thenzawla sem nia sawi rik awm kha a tak a nih ngei a rinawm ta hle mai.
Thlirtu
——–

Hei le, kan sorkar hnathawkten hlawhthar ngiatin nawrh an \an ta le. Keini sawrkar hnawk ve lote tan hian a buaithlak \an tlat. A thawmah ringawt pawh Bazar chawhmeh a to \an ta. Vawksa man pawh cheng zathum a ni ta. Kan ni khat hlawhin vawksa Kg. 1 a man hram a ni a, vawksa hi kan ei pha ve dawn ta meuh lo a nih hi. Vawksa tui ti hlei hlei kan ni si a, hmabak a va thim \an ve le.
7005520122
——————–

Miin thil \ha an tih hian sawisel leh beih rawn an tawk hran lo. Thil \ha lo an tih hi ti lo ngam sela, an duh vang zawkin a ni beih rawn an tawh \hin ni. Sorkarna chan apianga zu zawrh te, ram hmasawnna aia party dah liana, lalna leh thuneihna chiah duh mihringte hi a lawm an sawisel \hin. Hetiang mite hi ram hmelma an ni e.
Ramhmangaiha
———–

Khua a \ha \an a, a changtu Deptt. lam pawhin Aizawl khawpui chhung kawng chhia a siam \an e, a va lawmawm em! Chutih rualin khaw kar kawng chhe lutuk hi a va vei awm em. |an lain han siam \ha vat vat teh u. Nghakhlel takin mipuiten kan lo thlir che u a nia.
9436193805
——-

ZPM te hi ka rin ang an ni hauh lo mai.
Zoram politics-a
——————

Garage certificate aiin sticker sem zawk ni se, in check buai a ngai lo tur. Garage nei tan sticker var, mi garage-a motor dah tan duh duh a thlan theih ang chu.
9612238063
—————

Pi Pangi peng \huama Traffic duty hi a rui em ni? Hotu lam hian buaina awm hma hian endik vat se a va \ha em.
8257980242
—————-