MZU Convocation vawi 12-na hmang

0
765
views

Mizoram University Convocation vawi 12-na chu vawiin khan hman a ni. He hun pawimawh hmanna, MZU Multipurpose Hall-a a buatsaih chu CM, Pu Lal Thanhawla’n a hmanpui a. MZU chu kum 17 chauha upa a ni chungin zirna in puitling leh ram chhunga zirna in \ha berte zinga mi a ni phak nia sawiin, research lama MZU hlawhtlinna tam tak zingah Physics hnuaia EPEN Nuclear Code leh Biotechnology hnuaia Cancer Research-a hlawhtlinna chu thil chhinchhiah tlak nia a hriat thu a sawi. Pu Lal Thanhawla chuan, tuna an hlawhtlinna duh tawk mai lova, nasa zawka \an la turin MZU hotute chu a fuih a. Zirlaite chu Mizoramin chak leh zuala hma a sawn theih nan Science leh Mathematics-a \an la tur leh India rama ziak leh chhiar thiam tam ber dawttu nihna chu Mizoramin a taka a chhawr \angkai a hun tawh tih a sawi.

MZU Vice Chancellor, Prof. KRS Sambasiva Rao pawhin, kawng hrang hranga MZU hlawhtlinna tarlangin, chak zawka hmasawn tura \an lak chhunzawm zel a nih tur thu leh Mizoram sorkar leh MZU thawhhona \ha tak chu chhawm nun zel a tumtur thu a sawi a, MZU hmasawnna tura \an an laknaah Research lam ngaih pawimawh a nih tur thu leh Company liante nena thawk ho tura \an lak a nih tur thu sawiin, MZU chu hmarchhak bial chauh ni lo, India ram puma zirna in \ha berte zinga hlang kai tura theihtawp a chhuah tur thu a sawi. MZU Convocation-ah hian zirlai 6,970, Degree hlan an ni a. Ph.D Degree dawng tharte chu CM, Pu Lal Thanhawla’n an degree a hlan a, M.Phil Degree chu Vice Chancellor, Prof. KRS Sambasiva Rao-a’n a hlan a, Subject tina pakhatna-te chu Prof. Lianzela’n Gold Medal a pe a, Book Prize dawngtute henah Prof J.K. Patnaik-a’n lawmman a hlan thung a ni.