Fakselna 22nd April, 2020

0
69
views

Lalthanhawla leh Zoramthanga te lal duh luat vanging Tuikuk leh Takam ho lakah hian Zoram mipuite hian khawvel awm chhung chuan buaina hi chu kan nei reng dawn a nih hi. Mahni Mizopuite thlavang pawh hauh ngam lo ram hruaitu kan nei hi chu ram mipuite kan vanduai khawp mai. An harh duh miau si lo va, an mi leh sa te lah hian an lo la \an tum hrang ve bawk si a, a hahthlak tlang zawng a ni. Tin, tunlai hri leng vanga lockdown kan neih mek hi i inthlahdul lutuk lo teh ang u. A \eh huk hun hi a thleng lovang tih a hriat miah loh a nia. Pakhat vei pawh tun thlengin dam \ha takin kan la chhuah thei si lo va, a nawlpui a lo thlen palh phei chuan kan pulpuk ang tih a lang reng mai. I inkhuahkhirh leh zual zawk teh ang u. He hri hi a reh hma chuan harsa zawkte chu sorkarin ruahmanna a siam thiam turah ngai i la.
OmOmi Pu

9862322234

Khawvelin a buaipui Covid 19 laka kan him theih nan India ram pumah pawh lockdown a nih lai leh mihring pawh inchibai chu sawi loh thil lei turte pawh feet 3 dan zel a kan inhlat lai a, Chakma 100 tel rualin kam rama kan Mizo unaute ngei mai kut an thlak hi VLTF an ni emaw, YCA leh NGO eng pawl pawh nise Coronavirus laka himna tura hmalakna a dan bawhchhia an ni a, chuvangin heng Chakma misualho, dan kalh a che te hi Covid 19 laka kan him theih nan a ramg lama Mizoram chhuahsan vat turin Fakselna kaltlangin kan han ngen kan han inhriattir nghal a ni e.
Tlabung Uitangrual

9862014844

A ram leilung fate ni tin inhlawhfa te tan inhlawhna a vân hle laiin state pâwn a\anga hnathawk tura lo kal te erawh hei hnathawk an awm leh ta sap sap mai. Mikhual ngaina leh duat hnam kha kan ni miau mai a.

98566 09887

Kan ramah hian Pathian thua camping leh crusade-te kan nei zing ta malh malh hle a, chutiang hmun a\anga inhlan piangthar tate pawh chhiar sen rual kan ni tawh lo hial awm e. Amaherawhchu thlarauva pianna thar dik tak changtu erawh hriat tur kan vang hle thung niin a lang. Hun eng emaw chen a\ang phei kha chuan mite sawi leh sawi hnu, “Speake-te an kal liam rual rualin an da leh vek tawh” tia an sawi \hinte pawh hi a dik hmel viauin a hriat theih bawk. Covid-19 vanga lockdown kan nih chhunga TV a\anga kan Pathian thu ngaihthlak takte hi thlarau lam nun kawnga hmasawnpuitu kan lo awm chuan a lawmawm khawp ang. Ka vei em em \hin leh Zoramin kan mamawh ber nia lang ta chu: Thutak Chanchin |ha, Kraws Thu hi a ni. Chutiang Thutak Chanchin \ha thu hril mite chuan lockdown chhung chauh pawh hian TV kaltlangin thu han sawi ta sela, Zoram mipuite tan Lalpa’n thlarauva piantharna kawng min hawnsak ngei ang tih ka ring tlat a ni.
Lal Isua’n Pilata hmaah, “…Thutak hriattir hi ka pian chhan leh khawvela ka rawn kal chhan a ni, Tupawh thutaka mi apiangin ka thu an pawm \hin” tia a sawi ang khan.
Dr. Lushai

98623 63094

Vawihnih ka rawn thawn a hma takah, a in-deliver vek si a, eng nge maw a awmzia le? Min hrilh teh u. Tih chhuah duh zawng in nei nge? Hello LPS ang thla tharah chuan. House 3 kan Hello ang.

87874 87887

Ni 21 Thawhlehni zan chanchin tharah khan Treasury chuan March thla hlawh a pe chhuak vek tawh a, April thla hlawh a buaipui leh mek angin in rawn puang a, mahse khami ni leh zan thleng khan keini chu hlawh a la lut ve lo.

87945 19384

Thil dang daih kan sawi teh ang. Mi rethei te chawikan nan leh an eizawnna tur kawng ruahmanna policy pakhat SEDP hi kan NLUP cheng nuaih thum ang hian a zuih ral leh mai ang a? Kut hnathawk a eizawngte chawikanna tura kan ruahman hi kei chuan a pil bo leh mai pawh hi a hlauhawm ka ti hle mai. Kan sorkar hian Crore sang riat chuang leiba a nei chung leh kan tunlai boruak te thlirin mi rethei, kut hnathawk a eizawngte beiseina hi kan chhuhsak ang tih a hlauhawm hlein ka hria. Tunah lah a boruak te a la reh vang vang zui a, kut hnathawh uar tura kan inzirtir mek lai hian a thawktuten kan ram an chawm theih nan chuan thu mai ni lo, a taka che chhuak ngam sorkar hi beiseina nen kan lo thlir reng che u a nia. Hnathawktu chu hlawh hmu tlak a nih laiin daihlim hnuaiah pen hmawr tereuh te hmangin kan thai bo leh lovang tih pawh a sawi theih loh. Kan politician-te thurawn tlem kan pe ve ang che u, in thusawiah ding nghet ula, in sawi tawh chu ti hlawhtling ngei bawk ula, election awm leh hunah pawh in tan campaign hranpa vak a ngai dawn lo a nia.
Chhaktiang Keite

76279 14601

Tun \um hripui covid-19 hian Mizoramah min zirtir tum a neih ni a lang chu, buh leh bala intodelh pawimawh zia leh hlutzia a ni awm e.
Ram hruaitute harh thar hluai sela, mi state leilunga thar lei reng bik a tlawmthlak, leilung nei ve tho kan ni, engtikawng mahin kan ram a \ha thei thlaiah chuan chawm kan ngai tawh lovang, chawmtu kan ni zawk tawh ang, tiin \an han la sela. Covid-19 chu malsawmna hnarah kan chantir a lo ni ang.
RK Sanga

94361 90314

Dt. 22/4/2020 Zonet Zing Daifim leh The Aizawl Post-ah, Chakma pahnih, Mizoram police duty lai kut thlaktute Kanchandpur Magistrate in bail-in a chhuah thu a lang a, keini ang mi mawl tan chuan a mak tih a awl. Magistrate hian dan tlawh chhanin a chhuah tihna a ni phawt ang a, khawi state pawh nise, police duty lai kut thlak bail a chhuah hi phal a ni reng em? He magistrate hian an state mite 2 hi a \an thiam riau mai. Kan state a CHAKMA te hian Tripura police duty lai hi kut thlak zawk ta se, kan magistrate te hian bail-in an chhuah ve tho ang em tih pawh min ngaihtuah tir hial mai. Mizoram sorkar hian engtin nge hma a lak zel dawn ngaichang ila, an phu tawk hremna, Police kut an thlak man hi an hmu em tih chu kan la hre turah ngai ila. Nge ni, lo hmu lo ta pawh nise, state dang an nih chhuanlamin kan phun lungawi leh mai dawn? Chakma, Mizoram khua leh tui chu nise thudang, State dang ami leh nghal. Police duty lai kut thlak chu sawi loh, mi kutthlak hrim hrim pawh hi dan mit a\ang chuan sual lian tak a nih hmel hle bawk si.
Johan Lalrinawma pu, Saron Veng

94363 92544

Covid 19 vangin nunphung a khaihlak hle a, hnathawh mumal theih a nih loh avangin chhungkaw tam tak chu midang \anpuinain an la ei/in ve hram hram a ni. Chutih laiin a nei ten CM Relief fund-ah sum an chhunglut zel bawk a, hei hian hna nasa takin a thawk ve zel turah ngai ila, chutih rual chuan hmundanga an tih ang bawkin sorkar hna nghet thawk hi thlakhat chu an chawl a ni tawh tho bawk nen, an hlawh hi 25 % tal hi chu sorkar-in cut-in Covid 19 do nan leh ram inrelbawlna atan hman ni ve se a va duhawm em, thuneituten ngaihtuah se Zoram hian a chhawr hle ang.
LT Ralte

98620 07651

Mi hauisen ka tih te: Tun ang khawvelah hripui hlaua kan bik bo leh kan thiam dan dana kan do mek lai a mahni party ham\hatna tur lam thlir ran chunga media a insawi ching tlat party-te hi an huaisen ka ti. An thusawi awmzia leh an tum lam chu mipuiin an hai chuang lo. Tin, thil dik lo leh sual nasa tak a ni tih hre reng chung pawh a mipuite chan tur sum an ziak bo fel te te a ngampa tak maia an han eiru hmak ngam hi chu huaisen ka ti khawp mai, pui tak a ni. Pu Zonet, nang pawhin huaisen i tih ve ngei ka ring.
Rinrini pu, Aizawl

94369 76179

Fakselna kaltlang a Task Force hnathawh rawn fak der luam a, a hnu a a badge an en fiah mai a vanga Task Force-te dem leh tu kha sorkar hnathawk, inla official ve tak a nih ka lo ring ve deuh ringawt a. Task Force-te hian hlawh nei loin nileng zankhuain, Mizoram, mahni veng leh chhungte damna leh him nan an duty a. Fakawm ka lo ti viau mai. Vawi khat badge endik sak pawh dawl lo khawp a dawh thei lo chu, nikhat nilengin han duty ve se engtin tak phun ang che maw? Badge awrh hi en chian loh chuan eng pawl khawmpui palai badge emaw te a lo ni an ti ve tho mai. Fimkhur leh uluk a ngaih hmel khawp mai. Tin, lockdown denchhen hian official badge te, form leh chhuah phalna permit hmang hian ruihtheih zawng leh lo tawlh tawk te an lo awm a, a hmanna tur anga hmang lo te an lo tam ve leh zel nen, chungte a nih avang chuan endik a ngaih \hin chang a awm tih hi hriatpui a \ha khawp mai.

98623 31947

Ram leh hnam himna tura a hmatawnga lawmman leh hlawh pawh nei lova inpe Task Force duty nuihzattu kha kan ngainep hle mai che. I badge bel avang khan i inla pawimawhin, i inla official hle a nih hmel a. Mahse i badge ang bel chunga zu leh ruihhlo dang tawlhru duh te an awm a, dik lo taka hmangsual leh lemchang te an awm mek a sin. Task Force-te hian ngaihsan hlawh leh lawmman kan beisei lo ve. Mahse kan hnam hi a him zel theih nan kan duty zel anga, khirh leh uluk takin kan ram tan hian kan duty zel dawn tih i lo hre ve mai mai dawn nia. Kan ram leh hnam himna tur a nih phawt chuan channa leh tawrhna chu kan lawmmanah kan pawm a sin. I duh leh kan ram leh hnam tana kan inpekna hi lo nuihzat zel rawh. Kan ram tana kan inpekna hi kan tawlhkirsan dawn lo va, kan hnung tawlh dawn hek lo. Sorkarin \ul a tih chen chen kan ram tan hian kan inpe e.
Dr. Thinlaihnema

70052 37836

Tunlai hripui leng avanga khawvel ram ropui leh chak tak tak te pawh an buai em em lai hian keini ram pawh kan buai ve teh meuh mai. Chutih rualin kil tin a\anga teh leh thlir hian kan sorkar hmalakna leh inbuatsaihna hi a \ha khatin, a lungawithlak khat tih hi mipui tam zawk chuan kan pawm dan a ni. Hetih lai kar a Pu Zodintluanga’n kawng hrang hrang a hripui leng behchhan a political advantace lak tum a a lo phi ruai hi a khamawmin mipui lamah phei chuan a tla na lo hle tih hi hre tak ang maw? Sorkar pawisa neih loh zia a tlangaupui a, mahse a hnathawk te hlawh a pe mek zel bawk si. Tresury lamah lah ni tin cheng nuai 130 a la pass thei reng tih news-ah te kan hmu bawk si. Hetia au vel lo hian ram ri te tlawh kual ve ta zawk sela sorkar \anlak ngaihna lai te zawngin chu chu aupui zawk ta sela. Mipui hian kan awihin kan pawm zawk ka lo ring deuh a. A aupui tam tak hian beng a tithlep zawk rih a ni tun dinhmunah chuan.
CHHIM PHEI PA

87875 73941