Fakselna 25th October, 2018

0
428
views

Tunah chuan engkim a chiang ta. MNF leh BJP inremna thu Tripura-ah puan a ni ta si a, kan rin ruk reng chu a chiang ta maw? Heti a nih chuan MNF hi seat pek tam a chi loh hle ang. BJP nena sorkar khawp seat an neih chuan kan ram chu a future a bright lo khawp ang le. BJP hi an nil dawn hauh lo tih a chiang a. Sorkara an tel lohna tur chuan an kawppui MNF hi an tlin mang loh a ngai. An inkawpa sorkar an siam vaih chuan Chakma Minister kan nei ang a, Chakma ADC \hiah chu a hnai lo viau ang. Congress lah hi an hotupa’n mipui min zah lo lutuk a, sorkarna pek leh ngam chi an ni si lo. Kan ram leh hnam damna awm chhun chu ZPM chiah hi an ni e. ZPM i vote theuh ang u.
Mizo tlangval
———–

ZPM thawm nei lo an tling zo dawn em ni an tih \hin kha tlangtin leh mualtin a chuta \ang an lut, ZPM an zawm tihthawm hriat tur a va tamsi em. Chunglam malsawmna an dawng zel niin a lang.
85757 09279
———-

Khawvel zau zawk kan thlir chuan Media kaltlanga làr duh vanga sual kawng maksak tak te, Terrorism, kawtthlera mi pawngbeih etc, a tam takzet. Kan ramah pawh hiàn a thleng \an mek niin a làng. Hetah tak hian kan Media te fimkhur a \ul hle ang. Kawhmawhbawlte hi kan tilar daih thei a nia, anni lah an lo làwm zawk ngei awm si a. Ram tana pawi thei hi chu puanzàr loh mai a him. Media competition sang lutuk hi ram tan a pawithei tih hrethar fo ang u.
LBa Pa
———–

Tukin Vanglaini newspaper a chhuak, BJP leh MNF ten a ruka THAWHHONA an lo duang ru reng mai tih, Tripura Info news a Tripura BJP General Secretary, Pratima Bhowmik-in a rawn sawichhuak ta mai hi MNF party thil tumdan hi ava zahthlakin Zoram mipuite bum tumna diktak a va ni ve. Rin ngam chi an nita hauh lo mai tih hi Zoram mipuite hian i hre nawn leh ang u.
Zo-Nehemia
———-

Inthlanpui kan hnaih ta a ni ang nge, Congress leh MNF party te chu RAMRI chungchangah, thawk \ha zawk nih inchuhin an hmanhlel lehta. Mahse heti hian i ngaihtuah ngai em, hmanlai kan pi leh pute hun laiin kan Mizo Lalte khan Fei leh Chemtum nen he kan Zoram hi \hangthar lo kal zel tur keimahni tan leh kan ram neihchhun a ni tih hriain thih ngam lu puin an lo veng himin an lo humhalh \hin a nih kha. Tunah erawh zawng, dawihzep, \awngthei, dawtsawi ching leh mi chapo te hruaina hnuaiah silai leh hmanraw changkang ber ber nei chungin kum 30 chuang chhung chu min tlanchhiatpui ta duai duai mai a nih hi. Zofate hian he kan Zoram hi kan hmangaih takzet a nih chuan mithiam, mihuaisen, Pathian \ih mi kan thlan chhuah ava hun ta em.
98623 57839
——–

Nu leh pa te u, in fate zirna senso ngaihtuah a mangang reng renga awm a ngai tawh dawn lo, ZPM chuan kalphungtharin zirlai te tan loan a pe dawn, i fate zir zelna tur chu ZPM, |angrual Pawlah a in hawng mek e. I fate tan ZPM hi lo vote la, zirna tluan tling an nei thei ngei ang.

Muanmuani Nu
———

Naupang film cartoon Mizo \awnga an leh hi kan fate hian chaw ei \hulh \hak pawn an en duh \hin si a, \awngkam hman fim khur a \ha khawp mai. Entirnan, an nu leh pate ‘KA HUA che’ tih \awngkam te hikan faten an puitlin thlengin an \awngkam tur emaw an ti mai ang. I fimkhur deuh ang u. Naupang lai thil hriat hi kan puitlin pui \hin si a.
KALVARI LUI
———–

MLA inthlanpui a lo hnai ta hle mai. Ka awm vena Aizawl South-II ah politics lam bak titi a awm ta meuh lo.

Kan bial Aizawl South-II ah candidate pathum kan neih hmel a, MLA dinglai Lt. Col. ZS Zuala Congress, Denghmingthanga MNF leh Lalchhuanthanga ZPM te an ni a,

MLA dinglai Pu Sangzuala hi eptute pawhin sawi chhiatna tur an hriat loh, ram hruaitu dik leh \ha, eirukna laka fihlim chawimawina dawng kha a ni bawk a. A boruak hi a sang viau rih niin a lang a. ZPM hian an Headquarters lam a\angin boruak siam tum viau mahse South-II ah chuan pathumna an ni rih mek a. An candidate hi mi hriat hlawh lo lutuk a nih vangin a beidawnthlak deuhin a lang. Denghmingthanga lah hi a hma lawka ZNP party a MLA chuh a nih vangin mipui lam hian zuanglawr, lalna chauh duh, mi dingnghet lo tiin an sit deuh niin a lang a. Politics boruak a ngaihnawm chho mek e.
The Observer
———

Aizawl South III bial hi mi rinawm, ram leh hnam hmangaihtute awmna hmun a nih avangin sum hmanga lei theih kan ni lo.

Prof. Dr. F. Lalnunmawia
———

Cable News service pakhatah hian Fakna a va lang ta lo ve? A zahawm ta khawp mai!
Luaia
——–

Congress zu zuar in sawisêl e lo maw? Lei malêk ula a ni mai a lâwm. Zu an zuar avângin ka lei bîk hleinêm, kei Congress-pa hian! Kha daih kha a sin.

V. Kûngtea, West Saizawh, Awmhar Cabin
———

Pu Lalduhawma chiah hi party leader mahni awmna venga ding ngam awmchhun a ni. Mi dang tumah ding ngam an awm lo. Mi dik a nihzia hi an vengte zawt mai rawh u. Mahni Kohhran a gospel camping-a speaker thei midang hi chhut ve teh u. Harh a hun viau.
87946 03279
———–

Ka hriat chak tawh mai mai chu zu zawrh kan duh loh avanga kan \awng\ai rual mur mur te, MZP-in ram humhalh kawngzawh an neih duah duahna chhan te. District ngiata kawng dan pin te, kawng chhiat avanga nawrh kan huaihawt rengna chhan te kha election lo awm tur hian kan rilru leh kan mizia diktak a lang ngei ngei dawn a, ka nghakhlel tawh khawp mai. Kohhran hi eng nge a nih? MZP hi eng nge a nih? YMA hi eng nge a nih? Mipui nawlpui hi eng nge kan nih a chiang vek tawh dawn si a.
Peka pu
———