Fakselna 26th October, 2017

0
606
views

Zoram Thar a thleng thei lovang tih hi Setana politics a ni mai lo maw? Rev. Dr. Zaichhawna Hlawndo-in tuna kan ram party politics chu milem be Politics leh pawisa khelhna a tih hi a dik viau mai lo maw?
9862578631
————–

Ni tin hian ui seh hriat tur a awm \hin, a va pawi tak em. Ui khuahkhirh dan \ha deuh neih a va hun tawh ve aw. Ui nei ho lah hian intihtheih nan tak an hmang emaw tih mai turin walk-pui an ching. Khuahkhirhna dan leh compensation dan \ha deuh neih ngei ngei a ngai tawh a nih ber hi. Kan ranvulh avangin maw mi dang kan tihnat zel dawn. A va zia lo ve i ti ve lo maw?

Ramveia
9862879867
———–

Central YMA hian Gas blacker ho hi man tawh lo se. A chhan chu mi harsa, mi in hnuai luahte hian connection pakhat bak an nei ve si lova, Gas a thleng \ha bawk si lo, demand a sang a, supply a tlem si, blacker an tam chuan a to vak chuang lo bawk. Tunlaiah khawsak hniam zawkte pawhin Gas an hmang lo thei si lova.
Lb-a Pa
———-

Political Platform-ah kut hnathawh uar a \ul thu aupui a, an thar chhuahte hralhna tur ngaihtuahsak leh duh si loh hi Zawhte \hi awrhtir thu pass a, a awrhtirtu tur inhmuh leh si loh nen a inang reng, “Ek saman” a ni a. An rawn au leh ngei dawn a, kei chuan engah mah ka ngai tawh lovang a, vut laka vawih ang lekah ka ngai tawh ang.

9774354495
—————

Beiseina Channel-ah hian Krismas hla hi rawn pe leh tawh teh u. Ngaihthlak a chakawm tawh alawm le.
9615548546
—————

Mizoram Electrical Licensing Board hnuaia mi ni lote hian house wiring duh duha lo ti ve mai hi an va tam em em ve. P&E Deptt. lam hian thu chhuah leh inphuarna a nei lo nge. Tunlaia Ceiling siam hian a license pawh nei lote an fit tir ve mai hlawm bawk si. Motor hi license tel lova khalh a hlauhawm hle si a. Electric wiring hi License nei lova wiring hi a hlauhawm nep deuh zawk le.
No. Thup
———–

Kan CSS Hindi Teacher ho chu ka va han khawngaih tak em! Kan nu leh pa min hringtu in tih ve te lah chuan pawisa kan nei lo an tihsan che u a, mahse hna an la leh chur chur tho bawk sia. Engah mah an ngai lo che u a nih hi he sawrkar hian. Heti chung pawha in la thlang tling fo a nih chuan inmawl hle tihna a ni ang.
8837417306
———–

Kan CM ber maiin kan Zohnahthlak unaute entawn tura a kawng enkawl zawh loh mipuiten tlawmngaih chhuaha thawm \ha tura YMA General Conference meuha min han ngen kha chu a va mak ngai em. CM chu sawi loh, sorkar tih tur pawh hre mumal lo hian min lo hruai reng a va ang ta em. Pu CM zahawm, i hnathawh lai kha tuman thawk turin an nawr lui lo che, a ngaihna i hre lo a nih chuan Mizo takin i bang ngam mai zawk dawn lo’m ni?
Hriata Chhakchhuak
————-

Kan CM chuan cheng khat mah ka eiru lo a ti a. Kum sawm CM ve tho CM hlui chuan ka eiru lo, ka eiru pawh ti chuang lovin sorkar hnathawk Peon a\anga a lian ber CS thleng hian eiru lo an awm lovang a ti thung a, tunge dik zawk ang le?
VL Ruata
————-

Vawmbuk VCP hi a nep khawp mai. Chuvangin min tihchhuahsak hram turin kan rawn ngen a che.
ZOTHANSANGA, Vawmbuk I
—————

Hman ni lawkah Robert Hrangdawla chu mualpho takin Jail-a dah a ni a, ruihhlo tawlhtu ni si hi mi zahawm tak ang maiin an awm palh thei a, fimkhur a va ngai tak em
9862450070
—————

Lal zin tawh ngaihtuaha ram mipui tana rotling siam nei lo bera hriat mi ruahman leh din, a hmun leh hmingte thlak ve thei chauhin ram mipui tana hnutchhiah nei bera han insawi hi a zah theih loh thlak deuh e! Millennium Centre pawh hi tu Centre tih emaw an duh leh mai lo maw?
Thlirtu
———–

Le, Mizoram Department hrang hrangte dinhmun hi han bihchiang ve teh, eng angin nge i hmuh? Eng angin nge i lo thlir ve le? PWD, PHE leh electric MR-te hi sorkar hian hma lak dan a hria em? Ngawihsan reng chi an ni lo. Sorkar hian enkawl danah hriatthiamna thui tak nei chungin hmathlirna nen an ham\hatna ngaihtuah hram hram teh se. Zum leh hriam kara thawktu thihna kotlanga awm, luman pawh nei lo kan ni si a.
Ruattea
———-

Khawvela mihring zawng zawngte hi mi fel famkim tumah kan awm lo tih kan inhriatna Bible-ah hian a lang chiang em em a ni. Pathian chuan min hmangaih em avangin ama hnena kal theihna turin Isua Krista chu min rawn pe a, hei hi kan felna, kan thianghlimna chu a ni. Isuan keimah hi kawng leh thu tak leh nunna chu ka ni, keimaha kal lo chu tumah Pa hnen an thleng lo vang a ti.
Tlabung aw
—————