Fakselna 27th October, 2017

0
883
views

Central YMA Executive member hi a ngai an ruat rei tawh hlawm hle mai a, veng/khaw tinah mi \ha leh tlawmngai leh a ngaihna hria an tam ve tehlul nen, innel sa leh a inpawh sate ruat leh mai \hin a ang riau a, hei vang hi a ni ang YMA hi a chak tawk tawh loh. Dawn ve teh.
Lb-a Pa
————-

Nausen Isua a lo pian khan lal Heroda khan a aia Lal lo piang tur kha a huphurh em em a, nausen kum hnih hnuai lam a that chiam a nih kha! Mahse, nausen Isua chu a that miah lo! Hetiang chiah hian tuna Zorama rorel mektu pawh hian Zorama lal thar lo piang tur hi rawt chimih tumin \an a la mek a. Mahse, he lal thar lo piang tur hi Lalpa’n a hum tlat dawn a, a suat tum tak suat fuh lovin, ama mi leh sa tam tak a suat zawk dawn a ni. Lalpa hriak thih leh Lalpan, lal atana a hnawl tawhte inbeihna tur chu kan hma lawkah khian a lo thleng thuai tawh dawn e.
Sawmsanga pa, Aizawl
————-

Pu Vanneihtluanga hi ka lo ngaihsan tehlul nen, Manipur kal a Interview en hi a hrehawm ka ti. A chhan chu Lusei \awng hi Mizo \awng a ti bik a. Chuti a nih chuan Paite, Hmar leh a dang tam tak Zohnahthlak ho hi Mizo-ah a chhiar lo a lo ni maw? Heng Zohnahthlak hrang hrang \awng hi Mizo \awng vek a ni tiin kan infuih tawh a ni lo’m ni?

8575575454
————–

Kan ram tlu chhe mek tung dinga chhanchhuak leh turin ZPM a lo piang chhuak hi kan va ni hlawh tehreng em.
8014445727
————

Ei ru lo hian ka eiru lo an ti ngai lo. Anmahni hre chiangtuten an puansak zawk \hin. Eiru lo tan ka eiru lo tih puan a ngai lo. RK Sanga
9862366590
——–

Pu Hawla election thunawn, Falkawn damdawi in leh Tuirial Hydel Project, Phullem phah. Sawi loh ai chuan a \ha tho tiraw Pu ZONET?
Dampa bial pa
———–

Mizorama kan sorkar tawhte-ah rorelna dik a awm ngai lova, inthlan dawnah mipuite hmel hmuh tur leh beng hriat turah ngaihdam an dil liam luam a, tunah pawh mipuiten kan chanvo pawimawh tak chu rorelna thianghlim leh fel neih hi a ni. Corruption a hluar em avangin kan nih tur ang kan ni phak lova, kan neih tur ang kan nei phak hek lo. Kan budget te hi dik taka a nih tur anga hman chu ni se heti mai mai hian chhungkaw tin hi kan awm tawh lovang. Chuvangin, ni tinin tih tak zeta kan do a ngai a ni. |henkhat phei chuan Pathian aia mahni party dah lal zawk kan tam ta zawk a nih hi. Ringtu dik tak te chuan mahni ram kan chenna leilung leh chhungkuain hma kan sawn theih nan leh malsawm tlaka kan awm theihna a nih phawt chuan huaisen takin mahni party tlansan ngamin hruaitu \ha kan thlang ngam zawk tur a ni dawn lo’m ni? Hawh u, bumin i awm tawh lovang u. Mipuite hrui lovin min thlung bet tlat a, nghei lo deuh chauha min daha inthlan dawn hnaiha buhfai kg 2/1 emaw, Rs. 100-200 bawr vel leka min thawi lungawi a, politics chhe mi-a min hnuh min hnuh kual an tum a ni ber mai. Chuvang chuan tun a\ang chuan in chhungkua in lo hlim theih zawk nan Zoram tlu chhe tawh tung ding leh turin mi hming \ha rual ho chuan mipui tan ke an rawn pen chhuak dawn ta e.
Ms. Chhakchhuak, Citizen AZL
——————-

Hmun hming leh Khelmual i lo hrang hrangte hi mi ropui leh ram tana mi thawh hlawk zual te hming chawi leh puttir an ni tlangpui a. Kan Mizoram ve-ah erawh hi chuan politician bawnra deuh hming kan vuah fer fur ta mai chu a nia. Thil khawlo tak a ni. India ram hmun dang dangah pawh an uar ve hlein awmkhai deuhte chu a awm ngei a, ti lutuk deuh erawh an awm chiang. Ram leh hnam tana mi thawk \ha zual deuhte hming chawi leh puttir awm tak tak pawh a ni ve nual reng a. Keini state-ah hi chuan a ngerin kan nger to mai a nih awm hi maw. Zahthlak mai piah lamah a thinurthlak lam mah a nih hi le.
8414883986
————–

Mizoram kut hnathawktute hnenah hian kan ram hruaitute leh sorkar department hotute thil tih dan hi chu rin loh leh innghah loh ngam hi a him ber mai. A chhan chu kut hnathawktute tan hian an hna kaltir duh dan en hian a chiang tawk hle. Thlai thar chhuah hralhna thuah te, thlai chin turah, a chi leh \iak Quality-ah te leh kan inchintir kalphungah, Agri business criteria dik tak hmang ngam kan ni lo hi a pawi hle. Mizoramah chuan IMCS chiah hi Agri business hmang ngam awm chhun an ni. Tunah pawh hetiang hmang ngam lo sorkar chu a buai reng dawn. Red Oil Palm pawh a buai leh der tawh. Grape leh Sapthei-ah te, Dragon Fruit-ah te, Sawhthing leh thil dangah te Agri business kalphung dik tak kalpui thei lote tan chuan tih loh law law a him zawk. Kut hnathawktute kan tibuai mai mai a, sum siamna fel lo tak a ni.
PH FANAI
————–

Kan Chief Minister chuan cheng khat mah ka eiru lo a ti a, kei ka ngaih ve danah chuan a ei ru emaw, ru lo emaw kawngpui hi siam \ha se, kawngah na na na hi chuan a mualpho teh zawng a nih hi maw. Tumah mawhpuh lovin ka sorkar thiam loh a ni e tiin thupha chawi zawk awm tak kan lo tia.
RODY PA
———–

Zoram Kristianm a tua te mai pawh hi boral theih lohna Lal Isua Krista, boralna ata min chhandamtu hi nei kan la awm lo a ni ang, a thi apiang a boral kan ti zel tho mai. Sam 73:27-ah chuan, Ngai teh, nangmah hlata awmte chu an boral dawn si a, tih a ni tlat mai. Pathian hlattute chu an thi emaw, an dam emaw boralna a nih chu. Tirhkoh chuan ”Boral theih lohna zawngtute hnenah chuan chatuana nunna” pek an nih tur thu chiang takin min hrilh (Rom 2:7)
VL Pachuau
—————-

MNF party hi thlan lal leh tlak an ni mawlh lo. Kawng chhia aia pawi, Tuirial Hydel Project leh State Referral Hospital leh \ul lova sum hmanna a tam em kha. Kawng chhia hi a pawi lo tihna ni lovin, chaw em kan nghei phah lo bawk a.
Milari pa
———–

Pu Hawla leh a kaihhruai sorkarin Medical College din a tum leh Referral Hospital tih changtlun a tum hi a ropuiin a va \ha em. MNF sorkar khan ti\huanawpin titawp mah se, thil \ha chu harsa chung pawhin a ti zel mai a nih hi!
Malsawma pa
———–

Kan \henawn state hruaitute hian an mipuite kawng chhe siam turin an phut tawh ngai em le? Nuih loh theih loh sawrkar kan hrawn mek a, nuih tiza bang lo erawh an ni hlawl si lo.
9612830878
——————–

Tlabung Electric transfomer chhiat avanga kar khat lo thim tawh, kan VCP leh YMA hruaitute hma lakna sorkar lamte pawhin min lo ngaih pawimawh avangin eng kan nei ta, a lawmawm hle mai. Mahse, kan khaw chhehvel khaw tam tak, thla 4 dawn thim tawh te hi Central lamin thingtlang kilkhawr thleng eng pek vek a tum laia eng nei tawh sate pawh an thim zel mai hi kan sorkarin a ngaihthah lutuk hi chu kawng chhe bawk, eng nei lo bawk, siam \hat tumna thawm awm bawk si lo nen a manganthlak hle mai.
Tlabung Uitangrual
——————–

Motor garage neih vek tihpuitlin hunah kea kalna kawngpui sir pavement hi hma tel a ni dawn em le?
9436141804
————–

Pu Hawla hian eiru lo ta se Mizoram kawng siamna tur lo kal hi eng atan nge an hman ang le? Sorkarin a tih tihin bill engkim a san a, chhiah lah a sang em em si. A va hahthlak em.
No. thup
—————-

Bible chhiarin ka ngaihtuah mai mai \hin a. Lalpa Isuan a lo sawi angin amah chauh ringtute hi mi zawng zawngin min haw vek mai a nih hi. UPC-a an inpek avangin mi \henkhat chu an nu leh pate ngeiin an hnawtchhuak a, hei hi Isua hminga tawrhna a ni. Ka \hian \ha tak anga insawi te pawn Amah Lalpa Isua Pathiana pawm tlattu ka nih vang hian min deusawhin min hua a, min nuihzat \hin. Amaherawhchu, heng zawng zawng hi ka Lalpa leh ka Pathian Lal Isuan he khawvela a awm lai khan a lo sawi vek tawh si a! Min hawtu in tam poh leh kan lawm a kim a ni mai. A chhan chu kan rinna a dik tihna a ni.
Malsawma, Selam Vengthar, Champhai District
—————

Tun dinhmuna a landan chuan nakkum MLA Election lo awm turah khian Congress, MNF leh ZPM te hi kan buk kual tur an nih hmel ta. Heng zing a\ang hian India rama state \hangduang tak takte ke pen ruala ke min pen pui theitu tur atan tunge i rin ber le? I duh thlanna leh chhia leh \ha hriatna hun kha leh chen ‘POLITICIAN SIHAL’ hoten an thunun \hin kha thunun tir tawh lo hram ang che aw!
T. Lalbiakhlua, Ramhlun Vengthar, Aizawl
———-

Reality show ngaihhlut awm tak mai pahnih, ZONET hian in chhuah mek a. Programme hi Zawlbuk scroll-ah hian in tichhuak thei lo’m ni? Live-a en ve dawn pawhin a hun kan hre thei lo.
9612160178
——————–

Pum \ha lo hi kan tam a, a damna tur damdawi hi India-ah pawh a la awm si lo, Kaw\halo day kan hman ve te hian min tidam thei dawn si lo. A damna tur chu resistent bacteria damdawi a ngai a, mithiamten han ngaihven vat teh u.
9612238063
—————–

Permit neia zu zawrh duh lote hi Black-a zu zuar \hin te leh an laina hnaite an ni tlangpui.
The Communists
—————-

Vanglaini chanchinbua Septic Tank tihfaia in advertise ho hi an mak khawp mai. An advertisement tawpa a man Rs.250/- Rs.500/-an tih hi paih fai man emaw, repair man emaw a ni lova, repair tirtute awmna hmun kal nana Taxi fare emaw, an kal man hrim hrim ni awm tak a ni. Kei pawhin ka siamtir tawh a, Rs.500/- kha a siam man turah ka ngai a, a ni teuh lo Rs.1,500/- ka chawi a, Rs.500/- khan awmzia a nei lo. Lo hre ve teh tih mai mai a ni e.
Keimah Theubema
———————

MPC leh ZNP member-te hian thu leh hla dang sawi tur an nei tlat lo. Congress leh MNF-te sawisel bak Manifesto an nei lo a ni. Mi tui laknaa tui lo pawt ru duh leh six basis needs bak sawi tur an nei lo. An Val upate hi eng ang mi nge an nih ka la rawn tarlang mai thei a nia. Phu zawk chu an awm ngei ang.
Khuanga
———

Favang rim a nam \an leh ta reng mai. Lusun fate tan chuan lung a leng duh kher mai. Zingah kan han thova, in bul vela sava mawi tak taka hramte, pangpar rawng chi hrang hrang rawn par chhuakte chuan siamtu ropuizia an rawn tarlang a, lung a van leng duh tehlul em! Tlaini tla mai turte chuan chhungkaw hlim lainite min hriat chhuah tir fo \hin. Riangvaiten LALPA kan ngai che.
Angaihtei, Lungsum
————–

Tunlaia kan Oil Palm ching tute manganna hi a tir a\anga Vai company Godrej Agrovet kuta a rate awm tura MOU an sign a\ang reng khan a mak hauh hian ka hre lo. Tunah pawh kan sorkar ve hian a ngam leh hauh tawh loh hi. Keimahni ram thlai sawhthing, hmarcha etc. hnawla sum siam nana hman duh vanga, tung, aieng, aloevera, Jatropha tih vel kan sawrkar hrawn Cong leh MNF-ten min chintir a, a process-na leh rate, market erawh an ngaihthah leh tlat a, kut hnathawkte tana beidawnna ramah min siam ta a nih hi. Hetianga beidawnga min siamtu ram hruaitute hi kuthnathawktute hian i paih thla hmiah zel tawh ang u.
Mizo Pa
———-

Hei leh chen rorel hnua CT scan hman theih mang loh, Dialysis khawl lah private damdawi in pan ngai fo, MRI khawl phei chu nei lo hrim hrim, vairama inthawn ngai reng hian Medical College din kan tum chu a ni a. Sen Mawngdepa sikul pawh kan tluk dawn em maw ni le? Din tehreng pawh ni ila, zir chhuakte hian engnge an tih ang?
Thangmawia, Dinthar
———-